伊莎貝拉
April 17, 2006
為左令唔係四日假都留係屋企，一條友走左去睇伊莎貝拉
咁其實本身都有少少想睇既，如果唔係都唔會揀佢啦
一套簡簡單單既戲
好耐冇睇過一套咁專注去講一樣野既戲，感覺幾清新
前段阿成唔小心攪到自己個女
唔知點解震撼程度一d 都唔大，唔知係因為佢兩個好似唔太care
定係因為不知者不罪，定係套戲成功將攪野帶返去動物性的層面
又或者因為阿欣一句:
你成日攪女，有日攪返自己個女有乜咁出奇
其實我自己覺得佢兩個，一路都是父女情罷
阿成當知道係自己個女之後，一路都當阿欣係女
阿女就似乎想的不多，只知道開心
雖然咁講，但其實我係唔明的多… 或者係唔想當自己明
女的追求甚麼
男的追求甚麼
父母在做甚麼
仔女在做甚麼
是… 天性嗎?
haha.. 那為甚麼我好像唔明白呢~??
套戲拎獎，點都要提提d 配樂
唔知係咪心理作用，都覺得確係幾靚既一件事
套戲都幾識用一d 休止符，寂靜配合畫面劇情，又係一件美事
最後散場，似完未完的落了一個黑幕，配以歌曲最後一句，有一點置身音樂廳的感覺
好笑的是大家聽完，全部仲坐晒係道… 或者是期待，或者是回味，又或者真的太美被凝著了
另外都叫題外話，戲入面杜汶澤教爆樽!!
haha 一路都想學，因為知道爆樽唔正確係會爆傷自己的
唔係話要爆，只係起碼要知基本理論罷~
Leave a Reply