hardchiu revolution - 未來的革命

其實我一路都好唔明
點解人要進步?
那沒有盡頭的嗎?
有一個位叫做夠嗎?

從小老師就教你人要進步
要好努力的進步
那是必然的, 但係就冇講過係點解

在個人層面, 也許是簡單的
學如逆水行舟, 不進則退
即係個個都進, 你唔進就係退
咁… 點解唔可以個個都唔進步呢?

也許因為有些人本身就鍾意進步
然後, 其他人就不得不跟著了

的確世界不停的變, 唔去進步, 都係退步
所謂適者生存, 唔進步, 終有一日會滅絕
所以進步的人被淘汰的話, 人早就消失了

但點先夠?
要無敵到唔怕隕石, 唔怕太陽消失?
要唔怕地動山搖, 唔怕風吹雨打?
要唔怕任何病痛, 唔怕老死?
其實這個問題比點解要進步更難答
因為冇人會答到, 這不是一個人的答案

大概到發覺無能為力的時候才會有共識罷…

其實要到真正無敵係冇可能的
所以所謂進步都只係一種適應,
能夠令生存更久的適應便是進步

不要盲從今天所謂的進步
逆水行舟都有好多條河揀
有時退幾步先去到正確的河道都唔出奇

細細個就諗, 自滿係阻著自己進步的
所以好努力咁唔俾自己自滿

或者到了有點過份的地步
有時覺得自己根本完全否定了自己
根本唔承認自己所做的任何事

覺得自己一事無成,
覺得自己廢, 覺得自己未夠
全部都係因為唔想阻著自己進步
大概這就是我背後的想法

的確, 要進步, 就要知道自己廢乜, 有乜未夠
不過唔需要全盤否定自己

所謂知己知彼, 先會百戰百勝
否定自己肯定就不是知己的行為
而且, 努力了仍然只得到否定, 那努力來做乜?

那是不開心的

一個人要懂得滿足先會開心
而原來自滿同滿足是沒有抵觸的

滿足, 是對已擁有的說好
自滿, 是對未擁有的說不好

要學識滿足, 同時能認清目標就好了
未夠, 係因為未夠去達成目標
只要清楚, 就唔會自滿

滿足地進步, 先會開心, 先會有動力

其實我也擁有不少
要進步之餘, 也要懂得運用所擁有的才會成功

關心就是一種心的關聯
將心比心, 易地而處,
那是身同感受然後反射動作的想去解決

關心, 應該是不由自主的
要諗對白的話, 似乎就只是客套說話了

想一想, 我自己又有幾可可以咁

那是最高的對待
所以有人關心是幸運
而不關心是正常的

這些年來, 經歴了很多
心情起伏不定, 久不久就低潮一段時間

也許我都算係個好捱得的人
每次都攪得掂自己
成日谷底反彈, 繼續向著正確的路走

不過食得藥多, 藥力都冇咁好…
靠堅持, 靠理性分析, 係冇處理過個感受
根本係治標唔治本, 心情遲早又會變差, 而且會越來越快變差

其實近年都發覺藥力似乎弱了很多
甚至乎已經無甚作用
又或者.. 已經唔想再食藥, 因為知道唔長久
結果讓自己在低處不斷找治本的方法

最近似乎找到了, 那就是希望
就算世界沒日都好, 只要保持著希望, 便能夠再有動力
在黑暗的世界, 一點光都沒有, 是走不動的

這將會成為我的第二誡

———————
也許今天是條廢柴

是我喜歡計算, 還是習慣了去計算…?
又或者其實是我控制不了自己

一件事的利害, 因果
太複雜了.. 每每想到十萬八千里遠…
想得太多, 怎麼就不能憑感覺行事?

的確, 在我的方程式入面,
對自己感覺的weighting 是很少的

我care 好多細節, 亦會唔care 好多小節
同目標有關的, 用幾多去換都值得
縱使有時去到唔理性的地步, 縱使唔知前面係點, 想就係想
死都唔容許困在local maxima 之中

又差不多半年, 結算一下
今年的blog count:
Life: 10, last edit: 05/10/10
Theater: 4, last edit: 05/08/10
Revolution: 0, last edit: 12/03/08

或者冇人發現, 但其實我一路都知…
都要趁機寫出來鬧下自己!!

係唔係只係我唔認輸!?

都好多年.. 我好似都冇真係點變過…
都係原地踏步…
回想五年前的自己… 好像也差不多
有差別的話, 都只係現在的我更頹一點…

還是一事無成…

不斷工作…
已經白過了五年…
我… 開心嗎..?

真係好廢….

其實我好驚… 我唔知自己會咩下場
不過向著自己理想的地方衝, 應該冇錯的

我真係唔想妥協….
如果最終什麼都沒有, 就只怪我要求太高…

回想今年的主題…
就係要證明我未輸!!
晒冷呀唔該