hardchiu revolution – 未來的革命

Larry, 一個退役軍人, 一個出色的員工, 因為學歴問題而被辭退
失去工作, 老婆, 還要供一層未供完的樓

這大概是一個谷底, 就像所有不幸都發生在自己身上一樣
花了多年參軍, 服務國家, 致使沒有提高學歴的機會
自己盡心盡力為公司, 成績有目共睹, 換來卻是殘酷的對待
這一刻, 可以做什麼?

Larry 第一件事係變賣家當, 賣車換慳油的綿羊仔
無錯, 怨, 無補於事
對著問題一步一步的解決就是了, 問題不會一下子消失的

學歴唔夠就去讀書, 沒有什麼要多想
轉眼間這變了一套講大學生活的電影
看著Larry 用心苦讀, 還學以致用, 不禁有點懷念大學的生活
我也很久沒有以這種形式去獲取知識了

一個人係叻的話, 根本唔需要去怨從前沒有機會
從前沒有機會讀書是從前的事
現在有機會的話, 你唔叻一樣把握唔到
一個叻人會認為用怨的時間去找機會更實際
正所謂唔嘗試就唔會失敗, 就唔會有人知自己無能
唔叻的人好易就會將責任推在從前沒有機會之上, 來掩飾自己的無能

從前的時間用了, 不會是完全沒有價值的
去怨的話, 就只會連這僅餘的價值都抹殺了
面對自己的過去, 從中找出價值去好好利用
就像Larry 從前在軍隊做㕑師, 雖然將來想有更好的職業
但在未成功轉營之前其實仍然可以好好利用自己的強項
不然那裏來錢去進修?

除了專心去解決問題, 有時還要放開自己, 接受新的嘗試
那是將自己帶到更多機會面前的方法, 令自己有更多的可能
如果Larry 唔係跟班後生仔玩, 點會有咁多改變?
點會撞到阿professor?
如果佢開頭嫌浪費時間而唔去玩的話, 故事將會完全唔同…

就一年, 已經將局勢扭轉
積極的人生就是這樣

————————–
我覺得自己已經做到唔少… 是嗎?
定係我識講唔識做?

大概都算係一套末日電影, 是我喜歡的題材
衝衝忙忙的被拉去睇了… 仲要係亂揀的情況下睇的
不太享受這樣的過程, 就是少了一種期待

的確套戲所講的主線都係非常真實, 係現實世界絕對有可能發生
搵藥醫病, 搵動物做測試, 這種事每天都在發生

套戲的佈局唔錯的, 連我平時唔點顧忌, 今次都唔想爆得太多
成套戲的目的都好簡單, 就是想問猩猩變得聰明的話會怎麼樣

人類, 一路以來就是萬物之靈, 小學的時候都是這樣教的
當遇上一樣聰明的異類時, 自然地會有種害怕的感覺
因為突然變得不再獨特了, 突然有種要重新定位的覺悟
也許我們都安逸得太久, 這一刻變成不能再屈機了

戲入面的確很多巧合, 基本上我唔認為劇情會有這樣的發展
因為就算聰明都唔一定有用, 事實上係聰明人都唔一定會有作為
除了本身聰明與否, 還有經驗, 制度, 工具與科技的累積
要經營出勢力, 不是單單聰明和齋諗就可以做到
換句話講, 我當主角唔係猩猩, 係一個聰明小朋友
如果只係教下佢聽說讀寫, 佢又唔睇書, 咁佢有幾勁?

不過再想一想, 誇張的部份可能只是那些過度擬人的場面罷
其實最終佢都只係做了一件簡單, 直接的事
有時係我們和大自然脫節得太久, 忘記了動物可以有幾勁
我們只是畫了一個地盆, 用自己的方式生活罷
如果將一大群普通猩猩放係市區… 可能本身已經唔簡單…

題外話, 戲入面的猩猩似乎大部份都係公的
不過冇專登留意某重要部位, 也沒有留意到, 會唔會係和諧了…?

有朋友請睇戲, 仲同另一個好耐冇一齊睇戲的朋友去睇
難得的簡單地聚一聚, 感覺幾舒服

最近太多戲睇, 本身以為落畫前都唔會去睇
成個月, 我都以為已經落畫, 估唔到仲有人請我睇

望著海報, 見到Jim Carrey 同一個純攪笑的譯名
還以為只是一套胡鬧的喜劇
誰不知套戲的內容都幾好睇, 幾適合我睇

Mr. Popper 大概是一個很極端的人
要狠要拼命絕對做得到, 也許他大半生都是這樣
故事主要描述的是他亦可以為感情狠狠地付出, 去拼命
甚至優先於自己的事業

無錯, 認為是對的就拼命去做, 對我來講是最簡單的
那也許是一種要求, 因為很難去妥協, 所以要更加專注, 拼命去完成

Mr. Popper 是一個說客
他的專長大概是提供一大堆建議去說服人
溝通有時是很難的, 也許純利益關係有時來得更簡單

就像他的秘書小姐Pippi, 大概收很高人工罷
有求必應, 任何任務都全力以赴, 的確是很簡單, 很易處理的關係

溝通是雙向的, 所以即使你付出全力, 也可以完全沒有回應
那的確很累人, 根本摸不透裏頭有什麼法則

故事透過Popper 一家同那些企鵝話你知
聆聽在溝通的過程中其實佔很重要的部份
試想一下怎麼會全力以赴卻沒有回應? 那大概就是雙方都沒有在聆聽
沒有人在聆聽, 當然就沒有付出的力被接收, 那也不是一個人的錯
聆聽也要是用心的, 因為真正的聽到, 才會嘗試去改變自己
始終要有一方面先去聆聽, 改變自己, 去接上溝通的線路

人與人之間的相遇有時是講緣份的, 有時是天生夾不來
例如大家有著互相違背的原則, 互相抵觸的低線
所以即使是有聆聽, 有改變, 也不必然得到預期的結果
就像那隻企鵝蛋一樣, 是不能強求的, 唯有下次做得更好
但人是會從經驗中汲取教訓的,
付出了全力卻仍然失敗, 下次怎能夠繼續?

做戲的話, 還可以短時間內有個完滿結局, 暖暖的
現實世界的話, 也唯有堅持, 唯有容許自己繼續去錯
因為那是作為一個人所應該重視的事
亦是人和機器的分別

———————–
會有完滿結局的一天

今次終於睇2D, 仲星期二睇, 50大元, 抵呀!!
不過同幾個放假的人去睇… 睇19:45 黃埔…
要過紅隧.. 過完仲有排塞, 結果少睇了5~10mins…
好彩今次開頭冇返學奇遇睇, 每次那部份都很用心製作的
大概是每次最好睇的部份

今集的確係沒什麼對咒語的描寫, 真的就像粵語殘片的we wun wun
又或者支魔杖變了做支槍似的… 就用來發射子彈, 射死光
看著看著那些攻城還有點魔戒的味道呢~

今集是個經典的大結局, 就是眾志成城打敗魔王
不過老套還老套, 我還是覺得很感動的
因為現實中難有這般的齊心, 難有能力超卓, 可以撐起大局的人
那種在極度絕望中的積極面對, 為現實世界帶來一點點安慰

大結局, 本來以為會有激戰睇, 點知阿大魔王咁弱…
基本上一開始就輸到尾…
而harry potter 那邊都太順利了, 死都唔驚, 根本就係屈機
今次見到Ron 都變得有智慧, Hermione 亦顯得更有勇氣
大概是一起的成長罷

Words are, in my not-so-humble opinion, our most inexhaustible source of magic. Capable of both inflicting injury, and remedying it.

的確, 一個人的力量有限, 懂得叫人幫手卻有著無限的可能
可惜的是我似乎完全唔懂得用這種潛藏著無限力量的魔法…

but I would in this case amend my original statement to this, help will always be given at Hogwarts to those who deserve it

無錯… 因為唔係你肯叫, 就會有人幫, 從來都不是

最後由配角拔出sword of Gryffindor, 作出決定性的一擊
非常欣賞這個安排, 因為大家都有份出力, 冇必要全部由一個人去解決
這不完全是命運的安排, 只要有勇氣站出來做自己認為正確的事就可以有貢獻
發生什麼事都好, 我們根本沒有頹廢的理由

完了, 終於完了, 七集, 八場電影, 追了十年
很多人都有著一種感慨, 因為這陪著我們成長
回想一下, 第一集和那個朋友去睇的?
十年時間, 大概都唔會再有一套戲會追十年了
(搵齊了八場的票尾, 影了幾張相, 之後再post)

[Link]
Harry Potter and the Deathly Hallows (1)
Harry Potter And The Order Of The Phoenix

3D 實在太搵笨! 所以俾多十幾去睇更搵笨的IMAX!
起碼有個經驗, 知道是什麼來的
IMAX 真係幾full, 同個friend 睇子夜場, 睇到成三點
真係…. 仲後生!?

睇完一次IMAX, 結論係只係個screen 大少少
平時買位坐最前應該有差唔多效果

Transformers, 睇了幾集又開始悶了
尤其係佢本身沒什麼想表達
今集個故事其實都幾得意, 講月球的另一面
頭一半其實都幾有趣

感覺到少少Transformers 其實想講人與機械的合作
不過係有智慧, 有科技的機械生命體前面, 人的確很渺小
縱使套戲後半部用勁多時間去想講人係幾重要, 都只係令我覺得多餘
根本沒有那些軍人的參與, 結果都是一樣的
所以後半部真的非常悶, 根本就只想Optimus 出場開始打
雖然套戲係想講Sam 的態度和Carly 最後一句說話改變了局勢
但真係說服唔到我

不過值得一讚的是對機械人們的描寫
雖然係機械人, 但他們的性格仍然非常突出
Transformers 的fans 睇到應該會開心死

另外Sam 同Carly 的關係都非常有趣
一個美女, 對Sam 有著這程度的信任… 總覺得有點格格不入
有可能嗎? 看著… 不禁要嘆一口氣…

[Link]
Transformers

本來都有少少興趣去睇, 又竟然有人話去睇, 咁就睇囉~
上次話讓子彈飛, 所以有子彈飛回來, 總要睇一睇

其實我對歴史本身就係零記憶
本來諗我睇完會唔會就此記低戲入面所講的歴史
結果一路睇.. 我仍然係完全唔入腦的
你話係佢拍得差定係我有問題!?

也許套戲想講的太多了, 要將很多事件拍出來
最後變成每個事件都只係一個場景加幾句對白
成套戲兩個鐘就係不斷發生那不同的事件

我坐係戲院等子彈飛過來
但原來什麼都沒有, 我捉不到那想表達什麼
硬要說的話, 那就是說他們其實有著同樣的目標
而且煽動其實是他們的強項
也就是說今天的所謂要反, 要亂根本未成氣候, 太弱了

建黨偉業… 其實有什麼好講
就算係偉業… 都已經是很久以前的事了
要慶祝, 其實拍一套紀錄片可能更好

我也不知道這算什麼片種, 寫實又不完全是寫實
有些畫面想拍得太優美了
場景也不太真實, 大家的環境都太好了
然後再加插一條情線… 仲要放煙花
我差點以為我在睇爆機畫面

本來在想演員們究竟拍的時候有什麼想法
想著想著, 幫子彈飛回來其實也延有意義的
那可以說是好開始, 但手法有待進步