看著頭半部, 覺得很誇張, 似乎過份渲染了
也許還有正常的描述, 但我似乎共嗚不多
的確, 我沒有那些年的感覺

那些年, 我沒有追過女孩
那些年, 我都是自己撐著自己去拼命的
當然, 我知道很多戰友們都是一樣, 都沒有柯騰般幸運
看著他們一班人開開心心, 看著有人撐而努力著的人
感覺就像看著別人的那些年一樣, 我知道是這樣的

有時在想, 也許我錯過了很多
但過去了就是過去了, 況且路是有行過, 我有我的經歷
不能說是錯過, 就是不一樣罷, 也許不是這般行的話根本沒有今天的我
雖然都有可能係會更好… 但今天大家不都是一樣嘛~
只是大家的回憶不同罷… 而且大概我記性很差…
在那個平行時空的我可能根本什麼都記不起

這倒也說得正面, 但還是有點酸酸的
每次都唯有再安慰自己, 能一個人撐過去是很強的啊, 應該覺得驕傲才對吧!
就這經歷叫我任何時候都得撐下去, 不然行的路就枉廢了

故事說到後半部, 套戲終於變得好睇, 變得能夠牽動我心
雖然看著他們倆聖誕假週圍去玩, 也是像看著別人的那些年一樣
很傻啊, 怎麼能追一個人那麼久? 可能只係因為太遜罷…

不知怎的, 看著那段長時間, 聽著那個電話, 有種替主角不值的感覺
或者係因為我理解唔到, 點解會係咁發展?
明明說很難覺得有人更喜歡自己, 那是她真的很喜歡身邊的人嗎?
起碼在短短幾幕之中我感受不到
不明白, 真的很難明, 也許是害怕美好的回憶會消失罷
因為不能再浪費時間, 不能再有錯失, 結果就妥協, 就放棄追尋
感覺真的很不青春, 心都變老了, 那一點都不美
有時太驚時光消逝反而令自己變得更加暗淡

也許在另一個平行時空裏, 我們是在一起的

這的確是能令人好過一點的想法, 也許這叫浪漫的想法
但這也是消極的, 只是最無奈的時候才得這樣說
不然怎麼不想將來, 要想到另一個平行時空?
也許在另一個平行時空, 有一個我們, 在過幸福快樂的生活
不, 我貪心, 因為我相信著這個時空的將來都有這一天

You are the apple of my eye

我們都有自己心目中的蘋果 (<– 不是廣告啦~)

———————————–
好彩我只係一個人去睇, 想著很多, 差點流淚了
(想起來我那喉嚨頂著的感覺, 就和頂著不讓自己流淚時一樣)

套戲本身都想去睇, 因為題材很好, 就算唔好睇, 都好好寫
本來還驚個戲院太差糟蹋了套好戲
想著有機會的話可能會再睇一次
(朋友約我睇戲的話, 就算睇過的戲, 我都會再睇的)
不過一路看著, 就覺得少看一次也沒什麼損失罷

我都不太想講這套戲的內容, 都是跟著一個大綱
另外在個多小時入面全都是枝節, 但似乎就少了一點細節
大概的推測是有的, 但就沒有太多發人深省的發現
某程度上這是一套科幻片
但在另一個角度, 這是一個與現實世界的類比

的確, 在現實中我也會將錢換算做時間的
將戶口入面的錢除你每個月的支出就可以了
這樣就可以得出你有的自由時間
人有了自由時間, 才能更深謀遠慮, 想著更高層次的事
這時間對我來講很重要, 所以要用大錢的時候我也會想到時間去

一個能夠不老不死的社會, 究竟會怎樣?
還記得小時候曾經有個老師講過這個話題
不記得是那時候那位老師講的了, 是小一二時何先生講的嗎?
當時她講的是一套電影, 是關於一個醫學高度發展的社會
這個年代沒有什麼病醫不到, 但人活到某個年紀就要食藥死
這是對不老不死的社會最直接的構想, 人口是不可能無限彭漲的
現在想起來, 也真的慶幸那麼小的時候就有老師會講這麼重要的話題

人的確不能不老不死, 這套戲給我們同一個結論
人不老, 倫理關係會變成怎樣?
人不死, 今天的事為何不能明天做?
其實這也不是什麼新話題, 就是對死亡的探討罷
也許對於必死的我們來講, 這是唯一的想法
我們要令這個事實對我們來講變得更有意義
不過我更想看到的是另一方面的構想, 真的不能不死嗎?
那時候我們會怎樣處理倫理的問題? 怎樣去保持自己的動力?
怎樣處理人口爆炸的問題? 不能不死嗎?
我相信不是完全沒有辦法的

這套戲在科幻的層面上沒什麼突破, 漏動也太多
所以我更覺得這是和現實世界的一個類比
要造就一個有錢人, 真的會製造出很多窮人嗎?
生活在富裕地方的人, 動作真的比較慢和缺乏勇氣嗎?
派錢到貧民區, 真的會害了他們嗎?
我們又憑什麼享受這種生活? 這系統存在著問題嗎?

這些問題我沒有答案, 但我知道我們得找到更好的系統
不然推翻這個系統也不見得會變得更好
但這似乎有點像既得利益者所講的說話
的確, 我們都是在既得利益的一方, 只係太多人攪錯了

Don’t waste my time
一天可以做的事很多
這不是我一個人的時間, 要好好利用, 做很多事出來

(做錯事, 從頭寫了一遍, 雖然係隻app 差, 但我也懶了沒有先copy 一次…
本來寫完以為可以停, 想post 的時候才出錯, 很氣很氣的…
但叫自己平心靜氣重寫出來, 半小時寫好九成, 但結果都寫了一個鐘)

睇完之後有種感覺, 覺得原來笑片同喜劇係兩個唔同的字
特務戇J 笑係幾好笑的, 但笑完就完了, 就像聽了個笑話一般

開頭講追人的一段很有趣
體力與智慧的角力, 形成強烈對比
但當然, 這比較形象化一點, 為的是帶點好笑罷

想一想, 原來這和國產凌凌漆是同主題的電影
零零漆從007 抽走了型的一面, 對完成任務基本上沒什麼影響
戇J 從007 身上更抽走了靈活好身手的一面,
剩下的就只有一顆決心, 一種無懼任何困難的堅持
結果雖然係滑稽, 撞板, 但仍然能夠取信於人, 完成任務

的確, 能力唔夠係無罪的
我們更著重的係你有冇心去進步, 有冇心去做好件事
因為有些事沒有決心做不來, 而決心係比能力更難獲取的

我唔係講有決心就乜都得, 同樣單有能力都唔係乜都得
不過對於沒有能力又沒有決心的人, 似乎就唔多得
但能力是相對的, 去強求他達到自己要求是很無謂的事
世界上選擇多的是, 迫自己對著困境是很愚蠢的
而那個人, 走到適合自己的地方就是了

最近睇了很多套戲, 其中可能有差唔多一半有提到香港
可能係每套戲都會專登找個位再配多句對白罷, 好多都只係提一提
不過今次套戲比較誇張, 講的是香港, 但後來去的是澳門…

睇套笑片都諗這麼多, 真係痴線…
不過講笑, 還是覺得零零漆好笑一點!!

當年仲係學生價呢~

九月十五日, 今次一連睇了七套戲
上一次係睇六套, 是七年前的事了
前排找了一找, 找回那六套戲的票尾

日期: 11/07/2004

麥兜波蘿油王子 09:50
我要做Model 11:20
柔道龍虎榜 13:15
Spiderman (2) 14:40
Harry Potter (3) 19:20
The Day After Tomorrow 22:00

 
 
(本來想tune 到易睇一點,
點知好難, 試過幾次都唔得 都係放棄唔tune, zoom in 的話都勉強睇到的)

我唔係求其搵張甩色票尾扮係的, 有興趣的人可以click 張大圖睇到入面的字

Harry Potter 票尾係下面另一張相

對上一次係十年前除夕, 睇了四套?
唔記得, 得四張票尾

日期: 31/12/2001

千與千尋 11:30
暗戰2 14:30
Harry Potter (1) 16:40
麥兜故事 19:30

(唔記得之後仲有冇, 好似之後去bbq?)

好似係第一次

再對上一次是連續睇三套貞子,
唔記得幾時的事了

日期: ?

午夜凶鈴 13:50
貞子纏身 15:30
凶鈴再現 17:30

順手再post 之前說好了的Harry Potter 全集

比較淺色的兩張, 左邊那張真係消失的墨汁…

一次過睇咁多套戲有乜意義?
haha.. 做乜都要講意義的話你就老了
第一次已經是十多年前的事, 當時還年輕, 一日? 簡直就係諗都唔需要諗
這是難忘的回憶, 用錢都買唔到的回憶
找個朋友同自己睇六七套戲唔係容易的事呢~
今次去睇, 大概是緬懷一下自己的年輕時代罷…
還有, 同朋友去癲一下不是很愉快的事嗎? 感覺很年輕呢~

同朋友一齊, 就係做乜都冇所謂
其實咁多套戲, 我都冇乜邊套真係想睇 (除左3 idiots),
但對我來講, 同朋友一齊睇, 睇乜都冇所謂, 這就是朋友嘛~

睇戲對我來講好緊要
我時常都係戲入面再次找到動力,
我好努力的從戲入面找出訊息, 將娛樂化為提醒自己的機會

睇了七套戲, 全日都沉醉於虛幻的世界之中
一整天忘記了真實的世界, 腦入面全都是劇情, 全都是幻想
不過話說回來, 相比起十年前, 今次每套戲都分得好清楚
唔會睇下一套的時候還想著上一套的事,
然後過一兩天後還能夠仔細的逐套去回味
也許是因為睇戲的經驗多了, 寫戲的經驗都多了

睇完七套之後心情簡直係興奮, 也許是因為最後一套真係好好睇
而且從每套戲都得到一點點力量, 睇完之後個人好有力, 思想好正面

以下係少少花絮

日期: 15/09/2011

今次甩色前就影低了!

[The Grand Cinema]
* Larry Crowne 98mins 11:55 (13:33)
* One Day 107mins 13:40 (15:27)
* Contagion 106mins 15:45 (1732)
* Horrible Boss 97mins 17:35 (19:12)
* Bridesmaids 124mins 19:35 (21:39)
* 竊聽風雲2 121mins 21:50 (23:51)
[Broadway mk]
* 3 idiots 171mins 23:55 (02:41)
(23:55上的士, 圓方到旺角$30,
大概00:10 到達購票)

total: 824mins
cost: $382 (for tickets)
popcorns: 7 (buy 4 tickets get 1 free popcorn, a big one)
food:
* 澳牛 – before Larry Crowne
* McDonald’s – during Contagion
* 大快活 – during Bridesmaids
* 樂園 – after 3 idiots

hoho… 頭round 購票total $1003

大部份票尾

開頭有俾面睇兩套的人呢~

之後睇了六套的人

七套完成! haha.. 這張相就像在發光一般
很久沒試過笑得這樣開心了

——————————–
終於寫完
認真製作, 八篇加起來有唔知幾多千字…

好, 上到去上氣唔接下氣, 第一幕見到成班人除衫唔知玩乜
大概係宿舍迎新之類罷…, 唔知錯過了幾多呢

這是關於大學校園的電影
看著看著, 有種很想回到校園讀書的感覺
我對知識的渴求, 對事物的好奇仍然存在嗎?

讀書的時候我都非常討厭那填鴨式的教育, 討厭死記爛背
唔知係刻意定本身係咁, 個人變得沒有記性了… 結果成績唔算好好
現在想起來, 其實是有點蝕底, 那本來是沒有矛盾的, 可以兩樣都做
不過話說回來我又唔係好著重那些分數, 夠做想做的事就好了
只係當年剩下的時間全都用了來思考罷… 結果沒做到什麼出來

想當年入大學的時間是有著一份熱誠的, 今天不知道還剩下多少
我有想做的事, 然後在大學獲取相關的知識
在學到相關的知識之後會立刻想想可以怎麼應用
現在知道的多了, 究竟是和我想做的事近了還是遠了?

出來工作之後雖然有繼續學新的知識, 但熱誠就是不斷不斷的減退
因為會覺得所有事都和資源有關, 和錢有關…
靠愚公移山也是移不到很多座大山的…

這套片好睇, 因為佢勾起了我的熱誠
自己是為什麼去吸收知識的? 不是為了錢, 也不是為了份工
心中有著想做的事, 但到今日都未做到, 其實是有點氣餒
但Rancho 話應該追求的是卓越, 而不是成功, 成功會自動找上門
無錯, 這也是我從前的想法, 只係近年忘記了, 擔心是因為自己用錯方法
用心向著想去的方向走就是了, 還有很長的路要走,
未成功只係因為還未做夠

雖然套片講到Rancho 無缺陷似的, 有點假
不過他的思考模式的確有值得學習的地方
那是一種直接的思考方式, 就只是對著問題找答案, 不管任何框框

Aal izz well (All is well)
人心是很脆弱的, 有時要懂得去氹下佢
的確, 要走出框框每每都需要勇氣
船到橋頭自然直, 給點自信, 相信將來的自己可以解決每一個問題
所以最緊要的還是先解決當下的問題罷, 之後的問題將來可以解決到的!
在衝過了這個難關之後, 回想一下, 之前遇到的所謂困局根本不算什麼

Aal izz well, 其實和我的第二誡是同樣的想法
那就是希望

作死不離3 兄弟, 他們都無私地為朋友著想
有著這般的朋友, 無憾

[link]
第一誡 – 無悔
第二誡 – 希望

———————————
Aal izz well

相比起暗戰, 我覺得暗戰的鬥智成份比較高 (兩套都冇睇過第一集)
竊聽風雲2 基本上都係阿祖照原定計劃由頭行到尾
阿何sir 係得開頭勁勁地, 望一望就知人係邊…
之後雖然都有貢獻, 但係都只係被阿祖利用

上面好似講到好似唔係好緊湊咁, 但其實都有好睇的地方
就係那些講股票買賣的地方
那些造市的過程,
什麼什麼聯手打美國佬,
羅生連續技將$100 炒上幾十倍,
阿祖一日內將隻749 炒上成十倍 (但都冇停牌)
雖然我都唔係好識, 但就是覺得很精彩, 或者係因為平時見唔到罷

其實套戲的重點似乎是股票多於竊聽呢~
講竊聽的話, 我大概只見到一個軍方專用竊聽器, 微型攝影機同老人院用GPS 膠咭
都是用軍方兩個字就帶了過去, 沒有提出現代通信的漏動, 或警方過份的監聽
比較誇張的就是警方唔知點解可以有人辦公室的即時影像…
但那不是建基於通信基建上的竊聽呢, 要裝鏡頭的…
或者勉強說是對面拍過去還可以罷~

朋友結婚, 的確係值得開心的事
但有時想一想自己, 不禁會形成一種對比 (我做了五次兄弟了…)
Annie 在人生的谷底時擔當起最好朋友的伴娘
本來也沒什麼, 為朋友是應該的, 也提起心機準備去攪得好好睇睇
問題係姊妹來自五湖四海, 還有人令自己覺得與朋友的距離遠了

相識多年的朋友, 大家行著不同的路
朋友交到新朋友一點也不出奇, 就只係自己唔習慣罷~
朋友就是朋友, 一起經歴過的不會因為交到個新朋友就會消失
有時反而係驚際遇太唔同, 人變了, 距離真的變遠了罷…
Annie 就係因為感覺到朋友變得太多, 接受唔到自己少了個摯友
在谷底的情緒之下爆發了出來, 瘋癲的舉動令自己與朋友走得更遠

之前是谷底, 有人安慰佢谷底就係最差, 之後就會好
但問題係你唔知道幾時係最差, 一谷還有一谷低
Annie 就是在那谷底的時候走到比想像之中更低的地方

其實所謂谷底或者黑仔, 有時只係自己想得太多, 或者係自己做成的
個警察先生話你知, 有時問題出現係因為自己沒有好好去處理
明知道尾燈有事又唔去修理, 當然會有日撞車啦
那是簡單的道理, 不是黑仔
點解明知道解決方法都唔去做? 那大概就是逃避
因為有著別的事做, 就放任自己唔去正視存在的問題
然後有問題的地方越來越多, 最後通通出事的時候就變成谷底了

Annie 話自己冇朋友, 被阿肥妹大罵
冇錯, 係朋友面前咁講係會激嬲人的… (我試過… sorry…)
我都有時會咁講, 其實那只是一種感覺罷…
我幾時都當大家係朋友, 只係… 我覺得冇朋友罷… (我可能又講錯說話了…)
阿肥妹話怨來做乜, 做乜唔反抗
的確對佢來講, 佢條路更難行, 亦都克服了, 好好的生活著
我知道我條路已經算好好行, 但我真係唔知我要點反抗

我對人唔好嗎?
還是我應該閙人, 叫人對我好一點?

———————————
對我好的人我是心照的
唔好當係自己呀~

似乎比Contagion 更差.. 寫得更少… (hehe….)

基本上睇完套戲都唔知自己有睇過什麼
結論得一個, 個個boss 都係差的,
無論係邊, 又或者換了幾多個boss…

笑位有好多, 但好多我都笑唔出…

另外一個套戲的重點是網上的言論與病毒的對比
病毒傳得快, 網上的言論也傳得快
有時網上的謠言可能來得更可怕, 因為沒有疫苗, 大家也生不出抗體
不過也不一定只是網上的言論, 有時用電話傳的也很快呢~

———————————
真係要做多點運動, 累積健康!!

這是一個很長很長的故事, 雖然化在電影之中就只107 分鐘
代入去想像, 20 年, 究竟那有幾漫長? 每日的生活又怎麼過?
很痛… 我只能感到痛, 縱使中間會有著快樂, 也不曾會感到開心

這故事像是很誇張很刻意的去成就這段情,
但另一方面, 類似的情況似乎在現實生活都十分普遍,
只係現實中有勇氣去付出, 去對抗命運的人不多

遇著深愛著的人, 真的能夠放低嗎?
天意弄人, 大家各行各路, 也許是有緣無份
難度要對方等嗎? 不可能, 那維持著朋友的關係好了
因為只是朋友, 所以怎樣都好, 沒有呷醋的理由
關心的就只是朋友開心與否
開心就好了, 也不希望朋友會行差踏錯

這很不正常嗎? 其實在我來講, 朋友本來就應該咁…
所以我都幾抵死, 大概沒有人會這樣對我罷…

如果那些是友情的話, Emma 同Dexter 的愛情發生在那裏?
大概不只發生在每年7 月15 的那一天
試想那份情是怎樣維繫的? 沒有頻密的電話通訊或見面, 情不會變淡嗎?

Dexter 每年都很著緊那一天, 事前的期待維繫了那份情
他每有困難第一個想起的是Emma,
其實是潛意識想多一個接觸Emma 的機會, 亦提醒著他自己有幾重視Emma

Emma 亦都時常留意著Dexter 的節目, 就像每天都有見面一樣
從Emma 的衣著看來(尤其是那副眼鏡), 她初頭比較似在掩飾自己美的一面
那習慣代表著一種想法, 似乎在逃避著追求者, 又或者是想找到真心的人
直到後段, 她似乎是放開了, 也許是知道Dexter 已經結婚, 於是終於能夠放低
從這裏看來, 在Emma 心目中, 似乎認定只有和Dexter 一起才會開心一般

Emma 和Dexter 的愛情就發生在這些無形的接觸和無聲的默契之中
直到最後一段, 這些日積月累, 無法疏導的感情, 一下子爆發出來
很艱難的, 終於可以有形的一齊了
那長年累月的儲蓄本來可以確保他們可以好好的相處下去
只係想不到套戲的結局是這樣
雖然在那一幕之前已經估到, 但就是想不到真的是這樣安排

————————————–
好笑好笑, 一個不懂愛情的人講愛情片…