hardchiu revolution - 未來的革命

覺得上次睇戲好似已經是很遠的事了, 但原來都只係一個月
也很久沒有執到寶, 就是睇了少人講但好好睇的電影!!
其實近一個月都有戲想睇, 不過唔知點解又唔想去睇咁

先講講睇完的感覺
到最後幾幕, 真係睇到笑..
唔係攪笑的笑, 可能… 係傻笑罷

我在想, 有趣有趣, 怎麼看不懂?
老實講, 最後幾幕交代的結局我攪不清
不過想深一層, 或者其實係淺一層, 就覺得好有趣

套戲係講夢想, 但係其實講現實的更多
畫面好虛幻, 但表達的卻很真, 很直接

也許我們有夢想, 也許沒有, 未找到想到的地方
不過同樣的, 有很多誘惑出現在眼前
有時根本分不到那是誘惑還是夢想

人就是無時無刻的在作出抉擇
要達成夢想必然是辛苦的, 困難的
但在誘惑面前又能否堅持呢…
也許夢想無分貴賤, 只要不墮落就是了
就算付出了很多努力, 也不一定就很崇高

天使與魔鬼, 不斷的鬥, 不斷的對賭
不斷的玩弄人心
贏了不等如贏, 輸也不等如輸
原來勝負其實都好難定分界

一個人的智慧有限, 也總有糊塗的時刻
人生本來就複雜,
就算Dr Parnassus 成千歲, 都唔代表乜都識解決
但原來有時人生也很簡單
身邊有提醒自己的人就好了
只係有時我們也看不清身邊的是什麼人罷…

(原來套戲製作過程都幾多災多難,
不過最終都完成了, 而且變得更有味道)
——————
走進Imaginarium 的話, 會見到什麼?
會懂得選擇嘛…
也許.. 現在已置身其中..

有張free ticket, 指定係睇Sherlock Holmes 的
於是抽了點時間用了

本身冇睇過小說, 基本上只知道Sherlock 係個偵探罷..
冇諗過原來佢識得打… 仲要原來Watson 係個醫生都好打得…
都唔知係真唔係..

雖然作為賣推理的電影, 也真的太不夠細緻…
講科學的都不夠科學…..
故事一般罷.. 不過拍得不錯
起碼在音樂加鏡頭下, 我有一種神準的感覺, 同預知的快感

的確, 我都認為打都係講部署的, 都要用腦的
不過除了計算之外, 其實仲要手眼協調…
如果話佢計算同實行有點出入, 我會覺得更有說服力

其實近年賣推理同賣宗教的作品都不少
套戲可以話冇乜驚喜
不過睇著Sherlock 超強的觀察力同神準的推測
都幾賞心悅目

———————-
如果我戴著眼鏡,
唔知可以去到咩程度呢.. hoho

從前只係係電視斷斷續續的睇過幾集
不完整的, 基本上是沒睇過的一樣
由於突然約去睇第二集, 所以最近一氣過重頭煲過
睇完新劇場版第一集之後, 近幾日又煲完電視版了

又借套戲個位講下套動畫
之前都冇諗過原來套動畫係講人的
廿幾集, 好專心只係去講幾個問題

其實以前都睇過下最後一集
不過今次完整地去睇一次, 先覺得好精彩
雖然成套動畫好似好多好多謎團, 好似乜都未攪清
但其實攪咁多, 都係想講下幾個問題少年
其實… 係問題少年嗎?
也許我們都是這樣的, 很普通, 根本也不是問題
什麼是大人? 什麼是少年?
一大堆相同, 一大堆分別
深刻的, 立體的, 一幕一幕做出來

返回正題,
其實劇場版主要骨幹暫時都好似仲跟到電視版
只係人物描寫方面的確少了很多
幾個問題少年好似忽然間好過來… 有點過頭, 有點突然..

很喜歡那思考的聲音, 熟悉的, 親切的
也很喜歡那不怕痛, 不顧自己的堅持, 就為了心中的正確

看畢, 好似有點累的感覺,
不過又好似有力的, 舒服的

——————————
思考… 不停的思考…
終會找到屬於自己的答案

最近睇了很多套3D 戲, 都唔係專登, 不過實在太多3D 戲了…
其實3D 戲都真係又貴又唔實際, 因為唔會令套戲好睇一點
最慘係好似上一套係MCL 睇… 唔知係眼鏡差定乜…
錢俾多了, 但係仲衰過冇3D….
今次係broadway 睇$110….. 真係貴到呢….
雖然都係睇劇情, 不過好彩套Avatar 都算3D 好多…
做水魚都叫做得條氣順少少

劇情係近年來講都已經算唔錯… 因為爛的大片實在太多…

講科幻的世界觀, 係有幾好的地方, 就好似講人類智識範圍外的那些
不過都有好多地方太根據人類所知的去想像了…
(又係講故唔搏故… 係乜就唔講了…)

講主角的心理轉變.. 又好似簡單了點…
雖然都有唔少描寫, 不過好似沒什麼掙扎似的…

講環保, 講人性, 主題都算不錯
只係沒什麼發人深省的見解

It is sad…

我知道的… 只係怕不知道的人仍然不會知道罷…

I see you…

講完一大輪.. 一套科幻片竟然都係條情線著墨最多…
女主角非常有神髓!! 又或者係因為多了個曈孔去表達罷…

————————-
我諗都唔少人未睇…
已經就著就著
hehe… 見到title, 見到套戲個poster,
識避啦~

想睇又唔想睇之間的一套..
見好似幾有趣, 不過最近又好似睇得太多戲了….
不過對自己好少少… 想睇就去睇囉~

一個封閉的老人, 孤獨的過著生活
一個人的生活

其實佢錯什麼? 佢只係唔好彩
從前Scrooge 都有著重視的人
Scrooge 變得貪錢係因為怕窮
但試問又有邊個唔怕窮?
話唔怕窮係因為有著什麼溫暖了內心
看看從前的, 現在的, 將來的Scrooge, 我見不到什麼溫暖

冇錯, 要人幫你都要自己出下力
但係我又唔見得佢冇出力….
只係太耐冇人幫佢, 佢到某一刻就已經認輸了
聖誕節三隻精靈令佢改變的奇蹟都係因為有個死鬼朋友先會發生

結局話佢之後變得好好…
不過似乎講得太簡單了… 這不是一個人的事
將所有錯推在他的身上, 真係… 太殘忍

就係因為世界上有著像Scrooge 般不幸的人
所以我們先需要無條件的關心別人
而不是像結尾那充滿利益的所謂圓滿結局….

—————————–
我明白…
所以唔會望有乜回報

終於睇完, 三集, 很完整的
結局跟漫畫有點不同, 不過反正我也記得不太清楚

珈南沒有了之前的衝勁, 只有處於下風的不安
似乎沒有那冰之女王的風範罷…

最終章,  又到健次表演了
我們都錯過, 都失落過, 都痛過, 無助過
不過只要肯認錯, 肯承擔, 肯重新振作,
重拾自信, 堅持到底, 終會走到想到的地方

做壞人很辛苦, 還是做好人輕鬆一點

無錯, 是真的… 雖然好人難做

邪惡的確很恐怖, 而且來得容易
如果一個人面對邪惡的話, 唔知要走幾遠先回到頭

一個人很渺小, 在邪惡面前很容易變得無力
不過一碗熱湯, 一碗用心整的喬麥麵, 一首用心作的歌
都有無窮的力量,
因為都是來自朋友的幫助
因為不再一個人, 可以做一個人做不了的事, 又有了希望
縱使不一定成功, 但就是有了希望

—————–
一直走, 一直走
沒有回頭, 我不回頭
繞了很多圈, 忽然又見到熟悉的地方

有朋友… 真好…