Inception
初頭都冇注意到這是什麼電影, 還以為又是一套普通的動作片
但聽下聽下, 越來越多人講, 先發現係一套科幻動作片
也許我近來少睇了trailer…
果然係好好睇, 真係睇多次都得
Inception 又係一部教人自殺的電影
究竟有幾多人睇完會燒壞腦呢…?
第一集, 基本上已經建構出整個世界的玩法
不過還有很多地方未清楚, 大概係等出第二集罷…
我都好想快點出第二集
或者係希望未明的地方會有個解釋
又或者係一個咁好玩的怖局, 唔出多集就浪費了…
很久未試過有一套電影可以諗到瞓都未諗完了
感覺很爽!! 雖然我知道仲有好多位係任編劇點講都得
講開夢, 我試過一次知道自己係夢中, 似乎控制到自己的
但唔知點解反射動作的就想令自己醒了
可能係驚罷, 唔知驚乜…, 唔通驚自己醒唔到?
好彩那時想著要醒, 就立刻醒到了
其實如果可以鎮定些, 也許能夠經歴多點
不過講真, 如果我再遇到同樣情況, 我的決定可能都係一樣
因為我可能唔只係瞓著了那麼簡單, 我只知道醒了才能繼續真實的生活
也許這是求生的意志罷…
我喜歡那個像吸毒的私竇,
因為那沉迷於虛幻, 真的就像吸毒一般
也很喜歡那個睇場的老伯
They come here to be woken up. Dream has become their reality.
那是真的, 究竟什麼是真實?
就只是你最後認同的事罷, 其實也沒什麼不可…
其實控制到夢境本身未夠可怕, 有夢中夢先令到件事更可怕
因為醒了都未必係真實…
什麼是真實? 戲入面有幾個角色似乎有非一般的理解
真實不一定是客觀的
怎麼找到了直到永遠, 卻一定不是真實?
只要能夠認同, 其實是可持續的
什麼叫虛幻? 大概就是不可持續的..
只係個衰佬唔能夠認同罷…
You’re waiting for a train, a train that will take you far away. You know where you hope this train will take you, but you can’t be sure. But it doesn’t matter - because we’ll be together.
現在聽起來, 有點心塞…
因為殺死Mal 的不是Codd 的inception, 那是生無可戀…
其實我們遇到別人對自己的不認同, 就會嘗試去改變人
那是很正常的, 現實一點的情況是
Codd: Mal, 唔好發夢啦~!! 我仲有大把世界!!
戲入面出現了唔少打機一般的場面
大概是方便出game 罷…
遊戲其實都係好虛幻的, 就如夢一般
所以有人話人生如夢, 有人話人生如遊戲
也許我們早就知道真實和虛幻是很難分清楚的
