於是諗,
點解我俾電話費, 但係通話分鐘用來聽廣告多過我自己講電話!?!?
點解聽廣告仲要我俾錢!?!?
點解嫌廣告煩, 我仲要帶部機係身!?!?

其實我帶部機係身, 用來定時聽廣告, 係咪應該我收錢呢?
計一計, 其實又有幾多人係交電話費主要用來聽廣告呢?
如果轉一轉模式… 出部廣告機,
送你100mins, 但屈你聽廣告, 又會唔會合理好多?

haha.. 不過就係咁反智都大把人受囉…
幾時有日會有以下對話?

A: 先生, 有冇需要豐胸呀?
B: 冇需要
A: 點解冇需要呢? 好抵架喎!
B: 冇需要…
B: bye bye……….

A: 先生, 我係XX 呀, 記唔記得我呢~
B: 唔記得
A: 上次同你做個個問卷調查, 你話冇需要豐胸架呢~
B: 唔記得…
A: 我地公司為報答你幫我地做個調查, 會送你一個月免費豐胸療程
B: 冇需要
A: 點解冇需要呢? 好抵架喎!
B: 冇需要…
A: 唔使你出錢, 試完冇效先再冇需要啦~
B: ……….
A: 先生, 係咪好吸引呢~, 唔使考慮啦~, 不如同你做返個登記先!
B: bye bye………

———————-
廣告就冇得收少d…

突然間覺得自己好精神… 同好肚餓
雖然今朝早餐飲咖啡, 但冇咁見效罷….
又會真係訓唔著…

其實我一向都到必要時先會飲咖啡, 因為覺得會更加有效
不過唔知點解近排冇咁忍口…

都十幾個鐘… 我都唔知關乜事了
係我太肚餓? 係杯咖啡? 訓得太多? 定我太多事諗?

訓訓下諗, 不如彈返起身, 起碼冇咁浪費時間..
之後一起身, 就開餐:
1 包仔薯條 + 1 塊朱古力夾心曲奇 + 6 件燒肉
乜事乜事!?!? 本來仲想食個杯麵.. 不過都係唔好太過份…

話說最近訓唔著頭腦都好清醒, 想通了唔少事
不過今次得少少, 因為唔想太遲訓得著…

好.. 應該訓得著了
Retry now~

———————-
要記得咖啡唔可以亂飲…

同一年或之前的自己相比.. 差!!
真的很差… 人俗了很多
那個全情投入的我呢?
那個對未來充滿憧憬的我呢?

這個不是我, 只是放任了自己一年罷!!
廿幾年唔休息下係會癲的…
唔係心境老, 我仲未想老!!

我仲後生!!!
乜都唔驚!!! 最驚跟著老人家行!!!
咁後生就對現實低頭… 同就死冇乜分別!!!

向著想去的地方行就是了
時間多的是, 走多幾個圈都仲得, 驚乜走錯路!!

———————–
Unread

好好食!!
細個的時候街邊婆婆同伯伯的車仔麵好好食!!!
真係好好食… 到今日都冇食過一碗更好食的車仔麵!!!
(有時夜晚返屋企, 係樓下見到婆婆洗豬腸的)

好味道!!
前兩日放工係屋企食的福麵好味道!!
因為從前如果成家人淋完雨, 返到屋企都會食福麵
(雖然唔記得點解會淋雨……)

原來食物的味道有時不在於食物本身
食回憶, 食心情, 食感覺

成日一個人食飯的我很明白…
一個人去食飯係唔會覺得好味的…
所以頹食就好了…

如果唔能夠打開個心去品嚐…
再好食的食物都係多餘的…

能夠留在腦海中的味道..
不簡單

———————–
最近飲多了烏龍茶

未行下一步就先行的後一步
不直接的, 也未必行得通
但行得到, 可以增加到終點的機會就夠

————————
行太多見不到效果的後一步是不好受的, 也不健康,
始終都要行下一步先會前進, 只係有時未必見到下一步

今年靜靜的在家中渡過除夕夜
感覺也還不錯, 靜靜的…

從前的聖誕, 除夕都熱熱鬧鬧的過
係熱鬧之中渡過其實有時又覺得沒什麼特別
5~ 4~~ 3~~~ 2~~~ 1~~~~~~
哦… 新一年了… 就係咁….

往年的除夕, 其實很多時都沒怎麼倒數
記得有次係同friend 傾談著過的
有次係同friend 一齊睇vcd
其他都不太記得…
大概有行著, 玩著, bbq 著罷….

今年的除夕還挺特別的,
有月蝕, 仲係blue moon (其實都係滿月一個…)
抬頭望一望… 加上節日的氣氛, 還以為自己在過中秋…

之前的除夕都玩到第二朝, 基本上元旦我都係瞓的…
haha… 今年終於有一個完整的元旦
靜靜的想… 靜靜的寫, 去整理, 去計劃

前排總係坐唔定, 好想走出去
似乎我終於都再靜下來…
到了靜的時候, 先明白節日的熱鬧原來係一種希望大家開心的祝福

下次有機會的時候要好好感受一下

———————-
仲有好多要寫!!

整固了, 深呼吸了
然後就是起跑的時候

起跑, 就是由靜止到衝的階段
將自己調校到運動狀態的一刻
要不斷用力, 要呼吸, 要堅持, 縱使開頭會慢一點

反思過後, 明白要長遠些
任性一下, 知道自己可以放棄什麼
經過一輪排毒, 人清新了, 再次變得簡單, 明確
然後智慧都回到身邊… 知道可以怎樣行的感覺真好!!

起跑了!! 路線都明確了!!
前面不再是迷宮!!
向著從前我看不見的路跑!!
路… 一直都在

[link]
2007 - Proceed
2008 - 展望
2009 - 展望

———————
要走遠路,
就要學識呼吸, 同保持清醒
今年要努力!!

之前話這是變的一年…
的確.. 照我所講的去行, 雖然也不是刻意的

今年破了很多紀錄…,
就好似要將從前沒做的, 甚至包括將來的份… 都要趕在2009 完成
從前有很多事沒放在高位置, 所以忽略了, 做得不好
不過我大概是做得到的, 2009 趁機做了很多
又或者係因為曾經有了動力, 所以想活得更精彩罷…

今年
修得最多技能
離港次數最多
洗錢最多
放假最多
睇戲最多
去的地方最多
病都係最多
講的說話可能都係最多
…

2009 年放低了本來很重視的, 俾個機會自己, 放鬆下
乜都試, 然後似乎追回了一點
又似乎從混亂中認識自己多一點

今年的經歴可不少…, 充實的
不過似乎我放低重視的事太久了…
不是後悔, 我不會後悔, 只係我可以做得更好!

2月 - 決
3月 - 行
4月 - 喜
5月 - 癢
6月 - 難
7月 - 幻
8月 - 痛
9月 - 怯
10月 - 等
11月 - 思
12月 - 尋

原來後半年過得好快…

[link]
2006 - 總結
2007 - 總結
2008 - 總結

——————
2009 - 放任之年

其實再之前都會間中有點毛病
只係問題似乎開始變得嚴重了

聆聽身體的呼喚…
佢話要去睇牙醫喎~… (人地講咁多次先識聽……….)
本來未痛的時候都想去洗下牙, 睇下排牙的
點知俾人催… 仲要催得好用力…

本來痛到諗著牙醫話乜就乜
點知睇完, 牙醫話可能要剝, 我先意識到剝完就會冇
講真我都冇乜點理過自己身體
但那刻真係體驗到身體係會用完的…
原來… 原來身體係消耗品…

牙醫有俾止痛藥我, 不過我一粒都冇食…
因為我知咩叫痛
我唔怕去痛, 痛過先會懂得珍惜

以前覺得牙週病好普通… 今日先真係知係咩事…
那一刻, 覺得原來每年俾幾百去洗下牙原來係好抵

—————————-
我又冇講大話… 點解要剝我大牙…
真係知錯…
要身體健康, 唔好有事!!

不過當然, 天使同魔鬼本來是互相對立的
控制得不好, 就會打仗…
打仗就當然係有破壞冇建設罷…
混亂的局勢, 根本就不容許任何建設

也許今年心力用得太盡..
場仗天使佔下風…
甚至乎天使話想請下假….

為了要保持平衡, 我決定要天使同魔鬼一齊休假
似乎這是最好的對策了
(即係要擲銀仔做決定!?!? 都唔係… 只係唔諗咁多..)

——————————
其實本來天使想出post,
不過已經太攰了… 幾日都冇寫出來