最後武士
February 1, 2012 at 2:28 am
龍年開始果然非同凡響, 即刻就有喜事發生
我最死黨的那個朋友都找到另一半了, 實在係可喜可賀 (龍年先開始, 因為唔想有桃花劫喎~)
而我就終於成為成班兄弟入面的最後一個
其實都唔突然了, 早就預計得到
只係我不斷提醒著自己唔需要去介意, 唔好攪亂自己, 又唔係鬥快
我也想過去欺騙自己, 但原來對我來講沒有意思
也許我太清楚自己要的是什麼
我太固執了, 大概唔會有人鬧得醒我, 亦唔會有人有心去鬧醒我
就算有, 一來可能講唔過我, 二來講得過我都聽唔入耳
幾年前就知道自己唔改變就會有今天的自己, 唔變的話幾年後都會一樣
但我的確覺得自己在做正確的事, 又變什麼?
也許… 也許我太驚後悔了
我太相信自己的預測, 從一開始就知道了
一年又過一年, 都就快三十, 從前的我大概想像不到原來自己可以這般痴
我真的賭很大, 各方面都賭很大, 將青春全都賭到自己認為正確的事上去
打個比喻
就好似一橦樓著火, 出口方向好大煙, 反方向冇煙冇火, 但出唔到去 (起碼冇想去的地方)
而我係一個唔理死活衝向出口的人, 真係死都唔抵可憐
有時覺得咁大煙, 真係好驚死
但前排諗, 未知其實即係有希望, 睇唔到前路即係仲有很多可能性
大煙總好過冇煙望著清楚的路, 不過全都不是自己想到的地方
我呢~ 仲有好多可能性!! 仲大把世界!! (起碼唔係就死)
前面有煙好有火都好, 好好的隨機應變, 走正確的路就會到出口
對將來應該充滿期待先係!
———————————
如果出口存在的話
0