hardchiu revolution – 未來的革命

去完兩場婚禮, 有兩個會去飲的小同沒事做
結果大家聚了一整天, 觀禮後食個tea 再去了華懋睇戲
票價$35, 不過就小得像家庭影院一般

套戲本身都想去睇, 因為題材很好, 就算唔好睇, 都好好寫
本來還驚個戲院太差糟蹋了套好戲
想著有機會的話可能會再睇一次
(朋友約我睇戲的話, 就算睇過的戲, 我都會再睇的)
不過一路看著, 就覺得少看一次也沒什麼損失罷

我都不太想講這套戲的內容, 都是跟著一個大綱
另外在個多小時入面全都是枝節, 但似乎就少了一點細節
大概的推測是有的, 但就沒有太多發人深省的發現
某程度上這是一套科幻片
但在另一個角度, 這是一個與現實世界的類比

的確, 在現實中我也會將錢換算做時間的
將戶口入面的錢除你每個月的支出就可以了
這樣就可以得出你有的自由時間
人有了自由時間, 才能更深謀遠慮, 想著更高層次的事
這時間對我來講很重要, 所以要用大錢的時候我也會想到時間去

一個能夠不老不死的社會, 究竟會怎樣?
還記得小時候曾經有個老師講過這個話題
不記得是那時候那位老師講的了, 是小一二時何先生講的嗎?
當時她講的是一套電影, 是關於一個醫學高度發展的社會
這個年代沒有什麼病醫不到, 但人活到某個年紀就要食藥死
這是對不老不死的社會最直接的構想, 人口是不可能無限彭漲的
現在想起來, 也真的慶幸那麼小的時候就有老師會講這麼重要的話題

人的確不能不老不死, 這套戲給我們同一個結論
人不老, 倫理關係會變成怎樣?
人不死, 今天的事為何不能明天做?
其實這也不是什麼新話題, 就是對死亡的探討罷
也許對於必死的我們來講, 這是唯一的想法
我們要令這個事實對我們來講變得更有意義
不過我更想看到的是另一方面的構想, 真的不能不死嗎?
那時候我們會怎樣處理倫理的問題? 怎樣去保持自己的動力?
怎樣處理人口爆炸的問題? 不能不死嗎?
我相信不是完全沒有辦法的

這套戲在科幻的層面上沒什麼突破, 漏動也太多
所以我更覺得這是和現實世界的一個類比
要造就一個有錢人, 真的會製造出很多窮人嗎?
生活在富裕地方的人, 動作真的比較慢和缺乏勇氣嗎?
派錢到貧民區, 真的會害了他們嗎?
我們又憑什麼享受這種生活? 這系統存在著問題嗎?

這些問題我沒有答案, 但我知道我們得找到更好的系統
不然推翻這個系統也不見得會變得更好
但這似乎有點像既得利益者所講的說話
的確, 我們都是在既得利益的一方, 只係太多人攪錯了

Don’t waste my time
一天可以做的事很多
這不是我一個人的時間, 要好好利用, 做很多事出來

(做錯事, 從頭寫了一遍, 雖然係隻app 差, 但我也懶了沒有先copy 一次…
本來寫完以為可以停, 想post 的時候才出錯, 很氣很氣的…
但叫自己平心靜氣重寫出來, 半小時寫好九成, 但結果都寫了一個鐘)

生日當天去了海洋公園,
一直都想去試下享受這個屬於香港人的優惠
難得係星期日, 假都唔需要請, 真係零成本
其實今年可以帶一個人半價入場, 但沒有叫人去了,
沒有想叫的人, 亦不想引起任何誤會
有想過益街坊, 不過都係遊客多, 最後都係算

本來就只係想入去遊蕩, 想一想自己的下一步
但拎著相機, 行到未去過的場館就停不了的在影, 什麼都沒想過

一個人, 還以為可以去些平時沒有去的地方
可能太遲去, 去到都差唔多一點
都係去唔到坐氦氣球, 上觀光塔, 睇雀鳥劇場
摩天輪都很多年沒坐過了, 大概只係細細個的時候坐過
機動遊戲方面都仲未玩過韆鞦, 個翻天覆地就直頭望都未望到
新的熱帶雨林主題都還未去呢~

去了新的海洋館, 叫海洋奇觀, 向上望果然係一流!
然後今次居然企定定睇雜技人的表演, 平時唔會的
行下行下見到大熊貓之旅, 原來係未去過, 之前都只係見過安安佳佳
一個人坐了一架纜車, 日頭一次入黑又一次
之後見就夠鐘海洋劇場, 就衝了去中華鱘館行個圈
再去就剛剛開始, 用生日優惠買了個炸熱狗同橙汁, 都要$39
人又唔帶來, 叫做俾少少生意海洋公園啦~ 都肚餓的

海洋劇場又係很久很久沒有睇過
看著海豚推著人游水的一刻想起自己的童年…
忽然想起自己當時的想法(都可能係現在的想法..)
忽然在想, 當年自己還有人陪呢~…
本來還期待會有殺人鯨出現, 但依稀記得海威小姐已經離開了
結果果然沒有呢~ 剛剛查了一下, 原來已經係97 年的事
其實現在看著海洋劇場會想, 不知道訓練的方法怎樣呢…
不過看著訓練員和動物的交流, 似乎也很友好的罷

睇完後頹頹的只玩了一次過山車, 因為六點就到夜場了
玩不到機動遊戲, 纜車又多人, 就去了水母館兜一圈
已經沒什麼感覺呢~ 因為全部都還在記憶之中, 而且一模一樣
無錯, 水母館開幕大概係我對上一次平日去海洋公園
今次週圍行有時也想起少少從前的片段呢~

走人的時候見到Halloween 的職員
又係那個跣地的鬼, 佢係我面前跣了一下,
我覺得嚇一跳的, 但竟然完全沒有反應, 也許太沒心情了
然後可能佢唔順氣, 趁我唔為意又係我面前跣一下
今次都係覺得突然, 但都係冇反應…
真係唔好意思… 我已經沒有心情俾反應了, 有心情我都想陪你玩…

臨出門剛剛睇到雙龍奇緣, 不錯罷~
有火有水有煙花呢~ 還真的會感覺到熱力的!

睇完搭629 出金鐘, 一個人又冇心情食好的
最後竟然塔丁丁到公司附近食譚仔, 就當生日放縱一下罷
點知食完今日喉嚨頂著的情況好像又差了
前兩日還以為好了一點
真係唔知係前兩日的咖啡, 還是譚仔了…

多謝海洋公園, 真的是一個很有heart 的地方
我從雜技人身上感覺到, 從訓練員身上感覺到, 從跣地鬼身上都感覺到
究竟係點令到班員工咁有heart?
他們大概是全港最知道自己在做什麼, 最落力去做的員工!

多謝你們, 你們的落力演出給了我一點點的動力

————————————————
也許我第一樣要做的是身體健康…

接近三字頭了, 相信這兩年都會過得很快
都係時候諗一諗自己係三十歲前有什麼事想做
如果唔係, 可能平平淡淡就到三十了

講起來都好笑, 今年似乎係我最迷失的一年
我連人生目標都失去了… 或者叫賭輸
廿幾年來我將所有心力賭在這個目標之上
為了這個目標, 自己怎樣都不要緊
今次賭輸了, 真的是什麼都沒有…

我還未想到自己下一步可以點, 可以有怎樣的新目標
很迷失, 我唔知自己還有否力氣去行下去, 去再賭一次大的
但我的性格話我知, 我會的
只係下場可能會很慘罷…

現在的狀態真的很差,
如果唔係將個谷底變做無限同保持希望, 我大概會灰到什麼都做不到
這幾天我也只能分散自己的注意力, 因為真的沒有頭緒
大概想到的就只有向著原來的目標罷…
問題係失去了之前的那份信心

三十歲前想做什麼
也許相當明顯, 只係我過唔到自己, 唔能夠為做而做
因為那絕不會是我心目中真正想做的事
其實閃過放低一切顧慮離港的念頭, 但再過兩三年我會點?
我實在太驚, 一個人, 怎麼過? 雖然在香港也不見得太好景…
至於簡單一點講活動或有什麼地方想去的話, 要再想一想
也許之後有機會再寫一篇講罷~

另外記錄一下, 今年的生日有11/10/09 08:07:06 這一刻呢~
也許這一刻我還未起身, 但能夠在這天完結前發現都已經好開心!!

[link]
2006 - 十八廿二
2007 - 生日效應?
2008 - 半半百
2009 - 生月
2010 – 霎眼廿七歲

———————————
這個我, 太差
希望能夠撐過去, 找回自己

本來係七套入面想有這套的, 不過當時未上
結果第一日上, 突然大家又得閒, 就立刻睇了

睇完之後有種感覺, 覺得原來笑片同喜劇係兩個唔同的字
特務戇J 笑係幾好笑的, 但笑完就完了, 就像聽了個笑話一般

開頭講追人的一段很有趣
體力與智慧的角力, 形成強烈對比
但當然, 這比較形象化一點, 為的是帶點好笑罷

想一想, 原來這和國產凌凌漆是同主題的電影
零零漆從007 抽走了型的一面, 對完成任務基本上沒什麼影響
戇J 從007 身上更抽走了靈活好身手的一面,
剩下的就只有一顆決心, 一種無懼任何困難的堅持
結果雖然係滑稽, 撞板, 但仍然能夠取信於人, 完成任務

的確, 能力唔夠係無罪的
我們更著重的係你有冇心去進步, 有冇心去做好件事
因為有些事沒有決心做不來, 而決心係比能力更難獲取的

我唔係講有決心就乜都得, 同樣單有能力都唔係乜都得
不過對於沒有能力又沒有決心的人, 似乎就唔多得
但能力是相對的, 去強求他達到自己要求是很無謂的事
世界上選擇多的是, 迫自己對著困境是很愚蠢的
而那個人, 走到適合自己的地方就是了

最近睇了很多套戲, 其中可能有差唔多一半有提到香港
可能係每套戲都會專登找個位再配多句對白罷, 好多都只係提一提
不過今次套戲比較誇張, 講的是香港, 但後來去的是澳門…

睇套笑片都諗這麼多, 真係痴線…
不過講笑, 還是覺得零零漆好笑一點!!