比較悶的一套, 本來仲想睇佢點表揚前線醫護人員,
點知套戲完全係貶低香港…
睇咁多套, 唔好睇就唔寫咁多… (<– 藉口!!)
基本上都係一套末日電影, 描述關於傳染病的末日
講市民會上街搶資源, 醫護人員會走佬
講官商勾結的陰謀論, 講國家之間的不平等關係
只係最後結尾結得太輕鬆, 好似沒什麼障礙就解決了問題
另外一個套戲的重點是網上的言論與病毒的對比
病毒傳得快, 網上的言論也傳得快
有時網上的謠言可能來得更可怕, 因為沒有疫苗, 大家也生不出抗體
不過也不一定只是網上的言論, 有時用電話傳的也很快呢~
———————————
真係要做多點運動, 累積健康!!
一套在試探友情與愛情界線的電影
朋友, 究竟可以有幾近?
愛情, 究竟又可以有幾遠?
這是一個很長很長的故事, 雖然化在電影之中就只107 分鐘
代入去想像, 20 年, 究竟那有幾漫長? 每日的生活又怎麼過?
很痛… 我只能感到痛, 縱使中間會有著快樂, 也不曾會感到開心
這故事像是很誇張很刻意的去成就這段情,
但另一方面, 類似的情況似乎在現實生活都十分普遍,
只係現實中有勇氣去付出, 去對抗命運的人不多
遇著深愛著的人, 真的能夠放低嗎?
天意弄人, 大家各行各路, 也許是有緣無份
難度要對方等嗎? 不可能, 那維持著朋友的關係好了
因為只是朋友, 所以怎樣都好, 沒有呷醋的理由
關心的就只是朋友開心與否
開心就好了, 也不希望朋友會行差踏錯
這很不正常嗎? 其實在我來講, 朋友本來就應該咁…
所以我都幾抵死, 大概沒有人會這樣對我罷…
如果那些是友情的話, Emma 同Dexter 的愛情發生在那裏?
大概不只發生在每年7 月15 的那一天
試想那份情是怎樣維繫的? 沒有頻密的電話通訊或見面, 情不會變淡嗎?
Dexter 每年都很著緊那一天, 事前的期待維繫了那份情
他每有困難第一個想起的是Emma,
其實是潛意識想多一個接觸Emma 的機會, 亦提醒著他自己有幾重視Emma
Emma 亦都時常留意著Dexter 的節目, 就像每天都有見面一樣
從Emma 的衣著看來(尤其是那副眼鏡), 她初頭比較似在掩飾自己美的一面
那習慣代表著一種想法, 似乎在逃避著追求者, 又或者是想找到真心的人
直到後段, 她似乎是放開了, 也許是知道Dexter 已經結婚, 於是終於能夠放低
從這裏看來, 在Emma 心目中, 似乎認定只有和Dexter 一起才會開心一般
Emma 和Dexter 的愛情就發生在這些無形的接觸和無聲的默契之中
直到最後一段, 這些日積月累, 無法疏導的感情, 一下子爆發出來
很艱難的, 終於可以有形的一齊了
那長年累月的儲蓄本來可以確保他們可以好好的相處下去
只係想不到套戲的結局是這樣
雖然在那一幕之前已經估到, 但就是想不到真的是這樣安排
————————————–
好笑好笑, 一個不懂愛情的人講愛情片…
Larry, 一個退役軍人, 一個出色的員工, 因為學歴問題而被辭退
失去工作, 老婆, 還要供一層未供完的樓
這大概是一個谷底, 就像所有不幸都發生在自己身上一樣
花了多年參軍, 服務國家, 致使沒有提高學歴的機會
自己盡心盡力為公司, 成績有目共睹, 換來卻是殘酷的對待
這一刻, 可以做什麼?
Larry 第一件事係變賣家當, 賣車換慳油的綿羊仔
無錯, 怨, 無補於事
對著問題一步一步的解決就是了, 問題不會一下子消失的
學歴唔夠就去讀書, 沒有什麼要多想
轉眼間這變了一套講大學生活的電影
看著Larry 用心苦讀, 還學以致用, 不禁有點懷念大學的生活
我也很久沒有以這種形式去獲取知識了
一個人係叻的話, 根本唔需要去怨從前沒有機會
從前沒有機會讀書是從前的事
現在有機會的話, 你唔叻一樣把握唔到
一個叻人會認為用怨的時間去找機會更實際
正所謂唔嘗試就唔會失敗, 就唔會有人知自己無能
唔叻的人好易就會將責任推在從前沒有機會之上, 來掩飾自己的無能
從前的時間用了, 不會是完全沒有價值的
去怨的話, 就只會連這僅餘的價值都抹殺了
面對自己的過去, 從中找出價值去好好利用
就像Larry 從前在軍隊做㕑師, 雖然將來想有更好的職業
但在未成功轉營之前其實仍然可以好好利用自己的強項
不然那裏來錢去進修?
除了專心去解決問題, 有時還要放開自己, 接受新的嘗試
那是將自己帶到更多機會面前的方法, 令自己有更多的可能
如果Larry 唔係跟班後生仔玩, 點會有咁多改變?
點會撞到阿professor?
如果佢開頭嫌浪費時間而唔去玩的話, 故事將會完全唔同…
就一年, 已經將局勢扭轉
積極的人生就是這樣
————————–
我覺得自己已經做到唔少… 是嗎?
定係我識講唔識做?
一年一度的開學日, 六年了
在三年的時候我話相比起讀三年大學, 那三年還算可以
又三年了, 時間真的過得很快, 這三年怎樣?
這三年想追回什麼
也許是第一次放縱, 也可能是最後一次了
這三年有意無意地想休息一下, 但放鬆了, 人變得有點亂
已經放棄得太多, 三年時間根本什麼都追不到
本來有點天真以為可以整理好自己再繼續行, 點知只有更亂
講到休息, 放縱, 這三年當然係沒有什麼進步
最慘的是休息不見得有效… 放縱亦不見得開心
的確賭注下了是不能收回的
邊有得重新下注咁著數?
我係一個大賭仔, 話驚輸清光!?
真係好笑, 邊會有人理…
賭, 唯有繼續賭, 還要將之前三年的份都賭上
不然我都只係會什麼都沒有
[link]
2006 – 開學日
2008 – 三年
2009 – 開工日
2010 – 五年經驗
——————————————–
所以我很清楚自己的將來
成日覺得自己好廢, 仲係一事無成
我成日諗, 究竟我有乜比其他人叻?
幾年前我可能仲會話自己乜都唔叻, 就只係識得諗
到今日, 我覺得自己實在太亂了, 我已經唔夠膽話自己識諗
如果連諗都唔識, 我根本沒有值得自豪的地方
乜都唔識, 又冇記性, 又唔識搵話題, 又乜都冇興趣…
一個咁奇怪的人, 邊搵到人欣賞?
我就只係識得用心去對待人, 但原來這樣的人是不受歡迎的
其實我乜都講, 乜都聽, 只係肯講或者會問的人不多
時間久了, 也會有點亂, 也許會質疑自己
不過再痛再失望都好, 我認為我所做的沒有錯
我會繼續做自己認為是正確的事, 就是這麼簡單
自己做得唔好, 冇得賴
繼續做正確的事, 相信自己的將來
———————————
我很可怕嗎?
其實一路都好想去睇下中醫, 調理下身子
話說上次睇西醫睇足四個星期都冇進展, 於是唔睇了
係一個朋友叫我唔好死, 還有阿爸拉我行之下, 就去了睇中醫
我大概有十幾廿年冇去睇中醫了
記憶之中亦唔係睇得多, 可能都係幾次咁上下
不過其實我西醫都唔係睇得多…
很有趣的, 去到第一件事當然係把下脈啦
然後我都未出聲, 佢就係咁講… 幾乎我都冇點講過
感覺就像去睇相一樣, 不過唔係睇掌, 係把脈
其實講中又有幾出奇, 有時只係對答上的技巧罷…
講十幾廿種病徵, 講連我自己都唔肯定的事, 總係容易令人覺得講中
但我又唔係要質疑佢乜, 只係覺得可以理解
那也只是一種溝通和觀察罷
難得去睇了一次中醫, 就做個記錄, 寫低醫師講過乜
一去到首先做個登記
醫師問我乜名, 幾多歲, 在讀書還是工作, 結婚了沒有
有趣的是這個年齡原來還會有人問是在讀書還是工作
登記好之後就把脈, 一開始係左手, 但左手只係好短時間
然後佢把完就話我身體好差~, 話外面睇上去冇乜問題
但其實身體好差… 喎…. (好似話個腎? 唔記得了…)
其實我都唔記得幾時轉把右手, 但之後一路都係右手
佢話左手主心肝腎, 右手主肺脾腎 (當時聽唔到, search 出來的)
一路講一路講, 話我喉嚨好似頂著咁, 覺得乾, 唔諗佢就覺得冇咩
又話我瞓得唔好, 夜晚唔知諗乜, 瞓唔到
然後講大便係點… 這幾天的確又被佢講中
還有就是頸痛, 腰骨硬, 個人易覺得累… 等等
有些是係人都睇得出的
唔夠瞓, 眼袋好大好黑, 皮膚黑, 有點黃
唔記得係代表乜… 大概都係要瞓多一點
其它的大概係我自己講罷..
例如同佢講耳, 佢話wun wun 聲(但耳的問題都走唔出係咁…)
佢話耳的問題都係同個腎有關
還有就是我唔知的事
佢問我睇了多久西醫, 話西醫醫唔好我喎~….
佢話我唔知喉嚨熱, 個胃寒定掉轉
總之食熱定寒都有一樣唔妥咁啦~
好似係食寒的個喉嚨舒服, 個胃唔舒服
食熱的個胃舒服, 個喉嚨唔舒服
至於唔準的, 我都唔記得了… 就係咁
好似有咩怕凍, 有時覺得寒寒地, 吹親個頭個胃更唔舒服
咩要朝早一次大便, 中午後又一次, 講小便都好似唔中
這已經是上星期日的事了
食了一星期藥, 只係第一日感覺比較好
之後都分唔出, 好似冇乜作用冇乜進展
不過中藥就係咁… 當調理下身子好了…
———————————————–
有點想唔理… 但我還不能死