hardchiu revolution – 未來的革命

今次終於睇2D, 仲星期二睇, 50大元, 抵呀!!
不過同幾個放假的人去睇… 睇19:45 黃埔…
要過紅隧.. 過完仲有排塞, 結果少睇了5~10mins…
好彩今次開頭冇返學奇遇睇, 每次那部份都很用心製作的
大概是每次最好睇的部份

今集的確係沒什麼對咒語的描寫, 真的就像粵語殘片的we wun wun
又或者支魔杖變了做支槍似的… 就用來發射子彈, 射死光
看著看著那些攻城還有點魔戒的味道呢~

今集是個經典的大結局, 就是眾志成城打敗魔王
不過老套還老套, 我還是覺得很感動的
因為現實中難有這般的齊心, 難有能力超卓, 可以撐起大局的人
那種在極度絕望中的積極面對, 為現實世界帶來一點點安慰

大結局, 本來以為會有激戰睇, 點知阿大魔王咁弱…
基本上一開始就輸到尾…
而harry potter 那邊都太順利了, 死都唔驚, 根本就係屈機
今次見到Ron 都變得有智慧, Hermione 亦顯得更有勇氣
大概是一起的成長罷

Words are, in my not-so-humble opinion, our most inexhaustible source of magic. Capable of both inflicting injury, and remedying it.

的確, 一個人的力量有限, 懂得叫人幫手卻有著無限的可能
可惜的是我似乎完全唔懂得用這種潛藏著無限力量的魔法…

but I would in this case amend my original statement to this, help will always be given at Hogwarts to those who deserve it

無錯… 因為唔係你肯叫, 就會有人幫, 從來都不是

最後由配角拔出sword of Gryffindor, 作出決定性的一擊
非常欣賞這個安排, 因為大家都有份出力, 冇必要全部由一個人去解決
這不完全是命運的安排, 只要有勇氣站出來做自己認為正確的事就可以有貢獻
發生什麼事都好, 我們根本沒有頹廢的理由

完了, 終於完了, 七集, 八場電影, 追了十年
很多人都有著一種感慨, 因為這陪著我們成長
回想一下, 第一集和那個朋友去睇的?
十年時間, 大概都唔會再有一套戲會追十年了
(搵齊了八場的票尾, 影了幾張相, 之後再post)

[Link]
Harry Potter and the Deathly Hallows (1)
Harry Potter And The Order Of The Phoenix

3D 實在太搵笨! 所以俾多十幾去睇更搵笨的IMAX!
起碼有個經驗, 知道是什麼來的
IMAX 真係幾full, 同個friend 睇子夜場, 睇到成三點
真係…. 仲後生!?

睇完一次IMAX, 結論係只係個screen 大少少
平時買位坐最前應該有差唔多效果

Transformers, 睇了幾集又開始悶了
尤其係佢本身沒什麼想表達
今集個故事其實都幾得意, 講月球的另一面
頭一半其實都幾有趣

感覺到少少Transformers 其實想講人與機械的合作
不過係有智慧, 有科技的機械生命體前面, 人的確很渺小
縱使套戲後半部用勁多時間去想講人係幾重要, 都只係令我覺得多餘
根本沒有那些軍人的參與, 結果都是一樣的
所以後半部真的非常悶, 根本就只想Optimus 出場開始打
雖然套戲係想講Sam 的態度和Carly 最後一句說話改變了局勢
但真係說服唔到我

不過值得一讚的是對機械人們的描寫
雖然係機械人, 但他們的性格仍然非常突出
Transformers 的fans 睇到應該會開心死

另外Sam 同Carly 的關係都非常有趣
一個美女, 對Sam 有著這程度的信任… 總覺得有點格格不入
有可能嗎? 看著… 不禁要嘆一口氣…

[Link]
Transformers

本來都有少少興趣去睇, 又竟然有人話去睇, 咁就睇囉~
上次話讓子彈飛, 所以有子彈飛回來, 總要睇一睇

其實我對歴史本身就係零記憶
本來諗我睇完會唔會就此記低戲入面所講的歴史
結果一路睇.. 我仍然係完全唔入腦的
你話係佢拍得差定係我有問題!?

也許套戲想講的太多了, 要將很多事件拍出來
最後變成每個事件都只係一個場景加幾句對白
成套戲兩個鐘就係不斷發生那不同的事件

我坐係戲院等子彈飛過來
但原來什麼都沒有, 我捉不到那想表達什麼
硬要說的話, 那就是說他們其實有著同樣的目標
而且煽動其實是他們的強項
也就是說今天的所謂要反, 要亂根本未成氣候, 太弱了

建黨偉業… 其實有什麼好講
就算係偉業… 都已經是很久以前的事了
要慶祝, 其實拍一套紀錄片可能更好

我也不知道這算什麼片種, 寫實又不完全是寫實
有些畫面想拍得太優美了
場景也不太真實, 大家的環境都太好了
然後再加插一條情線… 仲要放煙花
我差點以為我在睇爆機畫面

本來在想演員們究竟拍的時候有什麼想法
想著想著, 幫子彈飛回來其實也延有意義的
那可以說是好開始, 但手法有待進步

這幾年突然的起心肝去練游水
其實都幾神奇.. 我又會有動力去練…
我明明係勁冇氣, 仲要次次游完水都勁打乞嗤, 個鼻勁流鼻水…

還記得上年最後一次最多游了四個池
今年第一次去游, 第六課了, 本來以為今年都未必游得返咁多
之前好似每次都可以游多一倍, 今次似乎唔得了

成年冇游過, 一開始都係游到半個池
游多幾次, 終於游得返一個, 兩個
最後游到四個, 冇停再繼續,
游下游下又多兩個, 游下游下又多兩個
其實係無形地想游到八個, 最後成功了

對其他人來講可能唔算好多, 但對我來講, 已經好勁了
雖然仲係游得好慢, 有時游游下會偏離, 不過已經好滿足
下次… 十六個!? 似乎更加冇可能….

始終都冇可能第十課游到一百二十八個池…
或許下次應該轉一轉目標

[Link]
Online

————————-
做其他事都咁有動力就好了…

一直以為人的負面情緒是有限度的
當去到某個程度的話, 就會以某種形式爆發出來

最近發覺這原來是自己為自己加上的極限
當你認定這有一個極限, 你就會越來越接近這個極限而衝不過它
大概這就是李小龍認為要以無限為有限的原因

我不怕走到谷底, 因為在谷底有著力的地方, 可以給自己好好的反彈
但到了要跌低過谷底的情況, 硬著陸.. 少不免有點痛楚

其實谷底都是自己做出來的, 要多低便可以有多低
怕太低不能重回地面嘛~? 這恐怕是驚得太多.. 限制了自己, 也傷了自己
最壞的情況就做個無底深淵出來罷~, 到識得飛的時候就能谷底反彈了!!

要多壞便有多壞!!
今天我什麼都不怕, 因為我相信我終有一日會識得飛 (<– 傻了…)