hardchiu revolution – 未來的革命

今次算比較早睇, 平時都係就落畫先睇多…
也許已經太無聊了…
睇就睇罷, 最多睇多次(一向都冇所謂), 好過在家中呆坐

其實我都幾鍾意睇X-Men 系列的電影, 因為題材真係好好
不過做了幾集… 都係講差唔多的事, 開始有點悶
雖然每次想表達的重點都不同, 但恐怕下次大家都已經太了解變種人了…

I thought I was alone.

每個變種人初時都以為自己是孤獨的
人與人之間存在著差異, 我們都想找到和自己相近的人
因為我們覺得只有和自己相近的人才能明白自己
又因為有這種想法, 所以未找到同類之前是極之孤單的…

也許我們都是變種人, 因為我們都不同, 有不同的長處
你覺得孤單嘛? 找到同類沒有?
其實不一定要同類才能互相了解, 問題只係你主觀的不相信
怕的只是沒有人肯用心去了解, 可能因為怕, 也可能因為誤解
沒有同類也好, 只要有人肯用心去了解你, 你就不再只得一個人

Mutant And Proud.

有著差異, 怎樣才可以融入其他人?
要將自己扮得正常嗎?
的確, 要了解人, 要適應差異是要力氣的
所以才會物以類聚
所以要融入一個群體就得入鄉隨俗
這是人之常情, 但長期不能顯露真我是很痛苦的

真正的融入是找到自己的位置,
令那個群體逐漸適應了你的差異, 好好發揮
而不是切頭切尾, 只得在表面上的在一起, 不然走似乎會更好
要做到真正的融入, 首先要了解自己
要知道自己的差異好在那裏, 可以怎麼發揮
要能夠接納自己, 才能教識其他人怎樣去接納自己

無錯, 要好好發揮自己的特點!

[Link]
X-Men: The Last Stand

——————————–
I really proud of myself, it is not easy

之前幾集都幾好睇, 所以新一集都會想睇
本來都未諗幾時去睇, 但就突然係幫個friend 做特別任務之前一齊睇了

其實d 真人3D 真係好多餘, 睇兩睇就唔覺3D 了…
(似乎我會每睇一次講一次… 因為真係好貴!!)

套戲開始的時候有種特別的感覺
當一個一個角色出現的時候, 就像見到老朋友一般, 有點親切感

Jack Sparrow 一向都係極度隨遇而安同應變力超強的
或者都可以叫好彩… 不過今集似乎遜色了一點…
今集除了拎聖杯一段我見到少少機智之外, 其他都好牽強
可能係有點覺得style 不同了
從前的靈活是那些既漫不經心又準確無誤的動作
現在似乎只是簡單的身手敏捷罷~

沒有了Black Pearl 的Jack Sparrow,
第一件事應該係去搵Black Pearl 才是, 怎麼會去做些無聊事?
那是他生命的全部, 有了Black Pearl, 才有人生的意義
也許是那個指南針引領佢上Queen Anne’s Revenge 的
不過沒有那個描述, 令全套戲少了點說服力, 失色不少

今次個故事各個段落其實沒什麼共嗚
尤其係後半部, 有很多幕其實非常之硬來
感覺上是大部份橋段都是為了成就美人魚的出現
當然, 我也很喜歡那些對美人魚的描述
而且拍美人魚的那幾幕在視覺效果上是拍非常好的
不過真的有點喧賓奪主

人生, 的確係存在未知數比較好
一來我們不可能每件事都能夠全盤把握
二來知道太多或想得太多也只會增加心理壓力
就算計劃了逃走路線又怎樣?
由計劃到執行都只有緊張, 而且一樣未必會成功
當然有計劃的話把握會高一點,
但計劃不一定要絲毫不差, 出錯的話, 修正就好了
隨機應變, 用最新的情報去作出決定或修正, 成功的機會更高
而且行去未知的地方確實令人興奮, 令成件事更加值得期待呢~

那個長生不老的儀式也實在太蠱惑了
其實又未至於要想到人生問題才懂得選擇
一個有得有失的儀式, 也未攪清楚情報的真假,
當然唔會用自己做白老鼠罷…

很喜歡那第一集就開始用的插曲, 給人一種要冒險的感覺
要出發啦~, 要表演啦~ (music!)