今日收到一份禮物, 但卻沒有預期中般開心
帶著份禮物回到家中, 出奇地完全沒有喜悅
亦沒有拆禮物的衝動…
更誇張的是有種不快的感覺
其實我知道那感覺從何而來
因為我明白為何我不感到快樂
情感, 一方面就是內置的思考模式
另一方面的存在意義就是為了表達, 為了分享
頭一種功能我大概放棄了, 那樣頭腦可以清醒一點
然後有時我會放縱自己, 為了第二種功能
今日為何會沒有感覺? 那大概是第二種功能都用唔著了
我明白點解會用唔著, 所以感到有點不快
然後我又將不快寫出來, 大概… 是為了表達什麼…
能夠分享的話, 請好好珍惜
其實沒有facebook 的話都可以Share 的
溝通, 也不用等到facebook 出Comunicate button
——————————-
盒還未拆開…
也許早一點睡更實際…
今日係佛誕, 係假期, 亦係我出奇地黑的一日
話說瞓之前預備關機想將部MacBook Air 合上之際,
我聽到有聲同感到有少少阻力, 望兩望又唔覺卡著什麼
然後用多少少力合實部機, 再望多兩望, 就發覺個鉸位爆了
雖然已經好夜, 但我想睇下有冇得整好先
開了底部的蓋, 了解結構多一點, 似乎修不好了
可能有少少燥, 用了些少暴力, 希望個鉸位起碼可以順滑一點
誰不知一下跣手, 就成個鉗鑿了落個keyboard 上面
keyboard 上就此多了一道疤痕…
這一刻心碎了, 我竟然咁大力親手鑿自己部機…
話說我以前部IBM 都係爆同一個位, 可能真係我對部機太差
過了保養期, 瞓之前都未諗好應該拎去修理定買新機好…
其實部機都仲用得, 不過真係好心痛… 諗唔掂都係去瞓
今朝起身, 搵apple support 的資料
好, 搵到個電話諗著打去問問維修要幾錢
誰不知一拎起電話發覺電話打唔到
好, 試下打入, 都唔得
睇下插座, 攪兩攪, 都係唔得
好, 上網搵PCCW 電話
誰不知一開tab, 發覺連寛頻都壞了
最後用手機搵電話同約人聽日上來整電話
冇電話, 冇寛頻, 出面天氣又咁好, 於是出去游水
諗著見過泳池有開, 又上唔到網所以懶冇用電話查清楚
誰不知去到泳池發覺今日主池關閉… 我都好似唔係第一次咁
好, 唔認輸, 去觀塘, 今次用電話查下先
但係查下查下, 已經冇心情了, 於是折返回家
或者我係唔想今日有更黑的事發生
回家後冇事做, 於是打多個電話去HGC
萬一電話整好發覺上唔到網都係唔關電話事都唔需要等多日
然後用電話個細細個mon 搵下部機個鉸維修要幾錢
因為公眾假期, apple support都冇人聽
最後搵到條link, 好似免費有得整, 終於叫有好事發生
聽日就拎去整, 希望聽日會一切回復正常罷~ (第二誡!!)
我明明係好好彩的, 今日似乎真的是我的大凶日
不過可能我已經叫好好彩,
起碼我一毫都唔需要用就解決到所有問題
起碼支鉗冇鑿落我個心口
起碼我冇氣沖沖咁亂過馬路被車撞
起碼我冇氣沖沖咁去游水浸親
好彩, 真的好彩, 我知道今年最差的一天都過去了!!
————————————-
一個人就更加要懂得睇著自己,
不過亦會因為咁而變得唔夠放, 局限了自己
(後記: 整機真係免費, 仲係成個mon 換! 可惜疤痕仍在…)