今日食飯的時候發現,
原來我會習慣地用排除的方法來作出選擇
可能這代表著我比較清楚自己唔鍾意乜
其實這是正常的選擇手段, 但我好像有點誇張
因為我往往都是排除到剩下一個才去選擇
有時還會到沒有選擇的地步
說穿了就是太貪心, 又或者係唔懂得去愛
即係對著個餐牌我還可以全部睇一次
每一項都俾個原因去決定,
然後揀出自己真正接受, 覺得最好的
可能咁只係為了自己可以對得著自己的決定,
去投入, 去承擔, 唔需要後悔
其實次次要揀到最最最合意的話, 那真是太貪心了
也許我是太懂得選擇, 有自己的角度去逐樣挑選
也許我根本不懂得選擇, 我只知道什麼是不能抗拒
也許這是一種要求…
一種只有全的要求, 一種不現實的要求
這種變態的要求, 可能已經令我失去了很多
值得嗎? 不知道, 我只知道我大概是傻的…
冇錯, 最清楚我有什麼問題的是自己
最多係我唔想承認罷
一蚊一斤雞, 一蚊一斤龜, 你話雞貴定龜貴?
聽聽下小明上廣州, 突然覺得這不只是急口令這般簡單…
想一想, 要怎麼答這個問題?
讀經濟的人可能會同你講供求, 單單兩個數字, 比較不了
但這大概不是經濟學的問題罷
其實有一個版本是講一蚊一隻雞, 一蚊一隻龜的
兩個版本都有人講, 冇一個明顯比較多人講
這裏代表著很多人根本沒在意雞貴定龜貴
究竟我們是怎樣看待雞同龜?
一隻隻的話, 我們是從功能的角度去睇
一斤斤的話, 就是從原材料的角度去睇
要答雞貴定龜貴, 其實係一個生命價值的問題
我們從什麼角度去評定生命的價值?
換一換主角,
一蚊一隻中國人, 一蚊一隻美國人, 中國人貴定美國人貴?
一蚊一斤中國人, 一蚊一斤美國人, 中國人貴定美國人貴?
如果我們視眾生平等的話,
一蚊一隻雞, 一蚊一隻龜, 就是一樣貴
一蚊一斤雞, 一蚊一斤龜 ,都是一樣貴
唔係同事的話, 大家就各行各路
但身為朋友當然想大家都走出一條出色的路
同行好, 唔係同行都好,
多個角度, 多個人分柝, 應該對自己的狀況會了解多點
就算工作唔愉快, 只係發洩, 有人聽下心情應該都可以好一點
(逐個topic 出好慢… 或者都係出個menu 就算…
唔好咁多口水… haha)
新年有著神奇的力量
對我來講, 過了一年就重新計算
真係好神奇, 一過年就好似好有力量似的
腦不停的轉, 身體也沒有累的感覺 (上年明明累得要死…)
就像所有事都重新來過一樣, 能源都充滿了
今天無聊的在想, 好似玩大富翁, 每行一個圈都有錢收一樣
只不過大富翁入面好彩的話係唔需要交稅的…
其實如果每個月都當係一個新開始會有這樣的效果嘛?
每日的話… 又如何?
的確需要一些隔層去防止負面情緒一路延續落去
這幾個月做下實驗先, 無錯, 要保持清醒!!
不過農曆新年本身對我已經有同樣效果, 都係要遲下先知做唔做到
之前聽到好多人話一般, 話只係交代劇情
但係冇計… 我就係去睇劇情嘛…
一個傻佬注定會集集都睇… 仲要被呃多一集
(原來我上集冇寫…)
可能因為有了心理準備, 覺得還可以啦~
咁多集, 好難要求次次都有新意, 集集都有意思
今集見到主角們都成長了,
唔係講演員, 演員前兩集已經長大了很多
主角們的歷險手段都成熟了
會用低調的方法, 會未雨綢繆
危急的時候懂得用適當的法術同道具
主角們都多了一種老練的味道
不過雖然咁講, Harry 都仲係比較魯莽…
或者係要咁先可以推進成件事罷…
好笑的是Harry Potter 結唔成婚之後去勾二嫂
好好笑… 佢根本結婚前就想走…
其實我唔明, 唔明Hermione 諗乜…
不過似乎只係個小插曲, 或者到結局都唔會再講
今集好多變身, 要讚一讚哈利仔, 開頭的時候演得很好
每個人都演得很有味道, 雖然只係一兩幕
後尾Ron 的大人版也演得不錯, 不過演Harry 的那個就差了一點
其實要換個演員都仍然讓觀眾覺得是同一個角色是很難的
已經不錯了
結尾的時候Luna Lovegood 一眼就認得出個豬頭
似乎Draco Malfoy 都好猶豫自己要企邊一邊
不過或者係Luna 利害罷~, 往往都係咁出人意表
仍然很喜愛這個角色!!
從黑夜中尋回陽光, 今年應該可以好好的走
在正能量的照耀之下, 要找到正確的道路
雖然未天光的時候亂走了很多路
不過也想清楚了很多
本來在目標之前定下了很多中途站
為的可能只是繞過中間的大海
現在不繞路了, 都係想辦法一步一步過海罷
2011 要將上年的方向真正的行出來
再一次起跑, 計劃好之後的路
然後逐樣逐樣去執行
預計需要的工具, 亦要開始準備好
重點係要証明那是值得去及去得到的地方
或許已經講得太多, 未必全部做得到
不過起跑就是了, 得一個人都要開始跑
因為那確實是我想去的地方, 唔需要再週圍望
再沒有藉口懶, 沒有藉口停在原地
應該可以重拾當年那種執行力吧!
[link]
2007 – Proceed
2008 – 展望
2009 – 展望
2010 – 展望
——————————–
專注的時候