年尾, 趁有假做了計劃已久的事
感謝我的身體, 保養一下, 修理一下
可能我係一次過睇了廿年來應該睇的醫生了 (大概仲未還夠…)
這個月來, 睇跌打, 身體檢查, 跟進身體給我的訊號
可惜的是根本沒什麼結果
舊患是很難醫好的, 而且可以解決的問題, 也不會待到今天罷..
腳現在還可以, 我只擔心老了會更差
耳仔我唔擔心會更有問題, 只係可以冇事就更好
最擔心的地方, 檢查後似乎更大疑問… 大概沒有事罷…
其實十多年前可能都有跟進那些訊號
只係查又查唔到, 醫又醫唔好….
今次都一樣, 我已經再進一步跟進了
雖然可以更進一步, 不過算罷
其實心理上已經好過點, 因為已經唔只自己猜測係冇事了…
不過可能做多點運動才是更好的報答呢…
星期日完成了一個beta
雖然似乎跟唔到個workflow, 但好滿足
臨時約的, 十二小時前通知,
都唔咁早起身, 約食tea
係王家沙食, 似乎有點搵笨..
等如送杯平時唔會叫的飲品
不過有地方坐, 有茶飲, 少人過Starbucks, 不錯罷
由於事前冇講明係乜飯局, 只話吹吹水
大概成個tea 都冇入正題
後來週圍行, 講講下就自然入正題了(我都係個好主持.. haha)
沒有講到我預設那些問題
可能係因為有更深入, 更相關的問題罷
我那夢想的確很遠, 我根本預見唔到終點
甚至覺得我的下一步, 都未到達那夢想的起點
相比起那個朋友, 我實在太頹了
他一直在努力, 一直找自己的路
雖然碰釘, 但對自己的夢想有了更深的了解
不知不覺傾到九點, 又去食飯
沒有計劃的諗著頹食, 結果去了食Pepper Lunch
之前次次都好多人, 又貴, 所以冇試過
今次冇人等, 仲有價錢可接受的選擇
而且太香了, 好快就諗好, $45 有飲品!!
話題一路沒有停過
雖然我沒那麼勤力, 但思考絕對不少
只係有時單靠一個人諗, 諗極都諗唔通
有時係想得太遠了, 有著太多不同程度的片段
對人講的時候, 唯有講比較可行的片段出來罷
找個夢想有相似的人, 也自然講起相關的片段
講講下, 似乎實在了很多
縱使那個程度仍然係離目的地很遠, 但起碼近了一點
15:30 傾到23:30, 感動…
其實我身邊也算不少朋友可以忍耐我那種馬拉松式傾謁
奇怪的是… 我真的似那麼多話說麼..?
我大概被太多有心聽我說話的人寵壞了…
落樓下食午餐, 週圍行, 先後遇到兩個小朋友
M=mother, C=child
香口珠
Ma: 小朋友唔食得架
Ca: 咁大人食唔食得呀?
Ma: 食得~, 但唔食得落肚囉
…..
Ca: 你唔好食落肚呀, 會死架~
氣球
Cb: 點解唔吹埋我上去既?
Mb: 咩吹埋上去呀~?
Cb: 個氣球呀~
Mb: 你就想, 如果係咁咪個個飛上天
看著小朋友在認識世界, 感覺很自由
那種沒有界限的想法令人充滿希望
其實我心目中也有著一個傻傻的疑問
可能我也想過妥協, 但這似乎對唔著那些小朋友
唔係一個好榜樣
個天對我實在太好, 時刻在給我啟示
也許這兩年我的眼神都變了,
我要重拾那心態, 記起那感覺
重現當年的那種眼神
我成日諗, 開心對我來講只係一個switch
但係問題係, 點解我好少開心?
我應該係有條件去開心先係
怎麼卻要讓自己唔開心?
可能我都講過好多次, 我實在太唔尊重感覺
開心根本就不在我的計算之中
也許我是有著想做的事
我認為值得用一切去換回來
逃避唔開心的感覺, 只會令我去唔到目的地
不過我似乎太累了…
一個人, 我已經沒信心去到目的地
我開始驚到死都未到目的地, 因為這代表著我一生都只係唔開心
我唔可以死, 未死得
但現在的我已經冇力再為自己打氣了
也許休息一下可以再衝過罷
無錯, 我應該很習慣的
慘到冇朋友的話, 就靠自己拉起自己
正因為我知道這是什麼滋味
所以我唔容許身邊的人慘到冇朋友
自己點都好, 我一定會幫朋友的
因為就算微不足道的, 也不至於冇朋友
講完, 又係時候計劃前路
未來的我正在叫我前進
佢話我知我將會到達那我憧憬的地方
似乎拉我起身的朋友, 就是那未來的自己
而且, 我也要對得著從前的自己罷
路係我揀的!!!
打不死!!!!!!!!!!