hardchiu revolution – 未來的革命

看著個blog 的stat, 其實成日都諗, 仲寫唔寫好

今年寫了60 個post, 只得一個comment (多謝你!!)
page view 有650, 大概1/3 係search engine 來的
再減我自己有時冇login 怒click, 我應該都有5-6 個readers

由06 年開始計, 我有450 個post
平均一年應該有90 個, 今年少了一點
也許時間花了在別的地方…, 又少睇了戲

這裏人氣太少了…
沒有comment, 看著log 又大量bot visit
根本唔知還有沒有人在睇…
如果根本沒有人睇我還會繼續寫嘛?

其實有時見到search engine 入來的search terms 都幾開心的
例如最近竟然見到有人search 「交朋友」入來
不過點都好, 其實blog 我係為自己寫的
就算是沒有讀者的blog 都好, 我都會寫
因為將生活經驗一點一點累積, 是我最最最少的成就

又係睇戲尾, 本來有人話睇, 不過似乎唔會有時間睇
等等下又等到戲尾, 唯有自己睇… (我就係成日等等等… 唔知等乜…)
二來又做兄弟, 又做司機, 都沒有心情時間去睇了

平時去AMC 睇戲尾, 今次AMC 都沒有
結果被迫去The Grand Cinema, 搵一搵, 原來有車直到…
平時都未試過坐到總站…
雖然好似貴少少, 但張凳會跟音效震的, 感覺不錯
不過睇到過12 點, 走都係冇車, 唔太方便

套戲的確係唔睇唔得, 起碼對我來講係好值得睇
我唔知套戲有幾多情節係虛構的, 但係唔緊要
反正科幻片我都會當真的去睇

一開始在酒吧的對話, 其實有點不自然
大概是將世人對IT 人的觀點放得很大
不過都好, 也直接的讓我知道
那是說話很快, 很精確, 有時會講多個話題
目標為本, 對話一點都不輕鬆

其實我不認為這是太奇怪的,
直到見到那對奧運選手兄弟及Zuckerberg 前女友後來的飯局
我明白到不同人的確有著不同的世界
而留在自己的世界是最舒服的
對我來講, 不同絕對不是問題,
不能容納不同, 鄙視別人生活方式的才值得可笑
根本在不同世界的人, 都會直觀地覺得別的世界很愚蠢
正如Zuckerberg 眼中的那對兄弟和那些爭入會的所謂上流
所以不懂得尊重別人的話, 其實是很愚蠢, 很可笑的表現

走回宿舍的那一幕, 感覺很熟悉,
我也很喜歡跟著導演的鏡頭慢慢重返那大學的生活
靜靜的, 沒有對白, 可以專心留意畫面上的細節
反而對後段的那些商場角力沒太大興趣, 也許聽得多了

看著主角們的執行力, 的確燃起了我心中那久違了的感覺
那種充滿希望的構想, 那渴求成功的推動力
這些年來, 在工作上的經驗也的確消磨了我很多鬥志與好奇心

其實我也曾經想過改變, 以為這樣會開心一點
不過得到的最多只是快樂, 沒有開心
也許一個人在自己的世界, 做自己覺得值得做的事, 才會真正覺得開心

似乎我都係時候認真了
中間的所謂steps 真係太多餘…

一個人什麼都沒有都好, 最起碼都可以開開心心
雖然我唔係咩都幫到人, 但我好在乎身邊的人開唔開心

生活過得好嘛? 開心嘛?
要點先開心?
有生以來最開心係做乜?
最唔開心又係乜?
….

所有關於開心的事
(有興趣自己搵我)

試過一次beta, 再聽了某朋友的意見
回想一下, 似乎係好難搵到人講相關話題的

當然要硬來都可以, 但以乎唔會有好效果
所以都係願者上釣比較好
如果大家都有條list 係自己願意講的話題
當有人想知多一點, 就可以約出來彼此了解一下

雖然好似好奇怪.. 但我覺得會好好玩
也許這是很難促成的, 究竟有幾多人真係想了解身邊的人多一點?
點都好, 總之list 出自己願意講的話題再算

每個人的人生都有著不同的味道
那是日積月累, 從生活小節中留下的痕跡

通常每個小節的味道都很淡, 只有自己才會慢慢察覺得到
味道從文字, 說話, 舉止, 每個決定之中散發出來
但有些人的味道比較濃, 幾乎第一眼望見就知道了

那我的味道是什麼? 大概會是種苦澀的味道罷
未必一眼就見到, 但起碼我是這樣覺得的
也許我認為這樣的味道最好
我不是喜歡那苦味, 我相信沒人真的會喜歡
真正可貴的是那苦盡甘來的甘味

好多味道都會隨時間而變淡,
唯獨那種事後的回甘最歴久常新

不過苦味本身還可以, 但變酸了就很難入口
因為那並不會苦盡甘來, 也失去了那對甘味的期待
所以要好好控制火候, 苦茶煲過火是會變酸的

也許我的人生沒什麼甜味, 那苦澀味也大概沒幾個人懂得欣賞
想著猛火來個轉變的話, 也幾乎變得酸酸的
的確, 那行為實在是太不了解自己

其實那苦澀味是獨特的, 那是長年累月的經歴所醞釀出的味道
那不是變質腐爛所產生的苦味, 而是我用心釀製的
回想一下, 細味那種甘甜, 應該開心, 應該值得自豪
只係我大概已經受不了那九唔搭八的味道了…

本來以為係屋企人先會覺得我成日唉聲嘆氣,
但似乎原來身邊的人都會咁覺得

其實我自己都唔覺自己係成日唉聲嘆氣
因為我都唔係隨便會唉出聲的
我應該係抖大氣比較多, 不過似乎大家都當係唉聲嘆氣罷…

雖然大家都話唉唉聲唔好
但對我來講, 唉唉聲又好, 抖大氣都好
我覺得係有需要的… 生理上有需要…
其實都係換氣的一種, 呼吸的一種罷…
可以直接紓緩身體不適… 我都唔明點解唔好…

不過我最近先明白, 身邊的人聽到感覺會很差的
但係… 我真係驚我唔唉會死… 唔好意思…

心理的確會影響生理…
也許我能夠開開心心的話… 就唔再需要唉聲嘆氣了
我都希望係咁…