hardchiu revolution – 未來的革命

其實我個人都真係算好長情
我用的著的雖然唔係樣樣都好多年
但我相信其中有些已經係差唔多用上了十年

今日先講自己在用一隻裂杯, 而且係會慢慢漏水出來的
也不是第一天發現了, 只係未能提起心肝去揀過隻
一來係自己懶罷… 二來我真係唔想亂揀
因為我知道我揀好了就得用上很多年

有時真係好少氣… 我講一講… 隻杯跟手就去死
沖完涼入房, 慣常的未開燈
不同的是隻手撞到了什麼, 當時已經心知不炒
然後聽到砰一聲, 心諗… 你真係傻… 竟然去自殺…

杯跌在地上, 分成三份
我拾起碎片將杯拼回來看看有沒有未發現的碎片
發現杯是沿著本身的裂口分開的
真係傻.. 點解要死得咁難睇…
或者你知道我唔忍心親手掉走你罷

上次也有寫低篇blog – 特此表揚
知道你為我服務了多久, 大概是三年半多一點罷
對我來講不算長呢~
公司用的那一隻是入大學時買的, 保溫杯, 比較耐用
用了八年左右, 但近來膠邊都開始爆開了….
銀包可能已經用上十年, 好像記得入大學前都是那個銀包
最近也爛得很利害…

其實用得那麼久已經係個奇蹟
也許係時候花點時間揀過了, 只係對我來講有點難罷
要用上咁多年, 真的巧眼光

好似很久沒有放工去睇戲
一來少了電影係我覺得必睇, 一個人都走去睇的
二來又很少大片, 同事會約去睇
今日放工趕去睇戲, 由於係尾場, 好多位, 都冇訂定位先
去到排隊, 竟然旁邊有人話要走先, 想$100 兩張讓俾我地
係counter 面前交易, 再買多張 ($95)
大概都唔會係假的罷… 誰不知再望真下, 一張H11, 一張H8
未入去之前仲諗, 中間會唔會坐兩隻喪屍呢….
最後入到去, H9, H10 原來係一對情侶
資料係咁多, 唔知中間係點啦~
總之平了, lucky

不過3D 真係好貴… 仲要唔知係唔係因為3D
我覺得好多畫面好假, 主角 or 畫面上的主體好似key 上去似的
(亦都可能係我之前睇了那個關於藍背景的短片, 變得眼利了)

好, 無聊完, 入正題
其實我都唔記得有冇睇過之前幾集,
不過最近係電視有睇半集第三集, 已經覺得好一般

沒什麼期望, 當睇人打機算罷
其實d 場景睇落都幾似打機, 可以想像到隻game 會睇到差唔多的畫面
不過問題係你冇得game over, 所以個主角會係無敵的
看著那無限子彈, 無限鎗, 加上那無限大的背包
太屈機了… 沒有那種會輸的感覺
係打那些「大佬」的時候, 竟然播起rock…
即係叫觀眾睇表演, 必勝的….

雖然配角係有死, 但係電影入面似乎太忽視了
根本配角好似用來死的, 少一個唔少
我絕對相信打機的時候那是一種悲衰的感覺, 只是不能不前進罷
係一個喪屍比活人多的地方, 見到一個活人, 不可能不珍惜

成套戲都好多笑位, 因為真係好唔合理
根本就係刻意創造那讓主角「型」的場面 (雖然係唔合理的情況下我只覺得好笑…)
當Claire 話This is a trap, 然後幾個主角跟手行入去那一幕,
我真係笑死…
除了那些非刻意的笑位外, ending 的時候有一個是刻意的,
也不錯, 笑得出

話說回來, 雖然我對Resident Evil 的了解唔多
但聽到Chris, Claire 同Alice 幾個名都覺得好親切, 係我聽過的名字

睇完心情輕鬆的, 或許那是打爆機的感覺吧~!

數, 一定要數
數著自己幾多歲, 不然就會霎眼七十歲…

廿七歲, 聽著陀飛輪, 句句入心
雖然我已經很久沒有戴錶

也許我沒有好好的生活過
起碼不是過著自己嚮往的生活
從前我認為時間尚早, 先奮鬥, 拼命罷
要享受, 日後時間還多~

有時諗, 自己一個人,
錢用少一點不要緊,
享受的時間少一點也不要緊
只要能造就將來有更好的回憶就是了

雖然很傻, 但就是為著將來的

霎眼廿七歲, 這會是我從前心目中的將來嗎?
霎眼廿七歲, 驚覺原來自己已經唔細了

傻傻的奮鬥著, 錯過了很多
不過我相信會是值得的
只係適當時候做適當的事
我知道將來會對過去的自己感激, 而不是後誨

計劃了 照做了 得到了 時間卻太少
還剩低 幾多心跳

生日當天在想
其實我應該仍然係時間不少
健康一點, 還有很多心跳

[link]
2006 - 十八廿二
2007 - 生日效應?
2008 - 半半百
2009 - 生月

——————————
也許… 時間到了
任性的藉口… 也應該用完了…

生日, 同朋友睇戲
就係乜戲都睇得, 縱使大家都睇了想睇的戲
然後就揀了一套大家都唔太有興趣的

都唔想講太多, 套戲有驚喜的
只係個驚喜對我來講係覺得有冇攪錯!!

除了那個驚喜, 基本上都係一套打戲
好刻意地講幾個人, 每人有唔同技能
基本上成套戲就係等各個角色交手
招色有點誇張, 感覺上有點在睇x-men 的感覺

恩怨情仇, 深刻的,
但太艱難, 不可能發生