近來覺得自己的情緒智商都唔係咁高
雖然我個人都已經算係好理性
但原來我有時都只係控制到自己做乜, 堅持去點諗,
我只係同自己的情緒鬥
就算贏到都好, 都係駕御唔到自己的情緒
控制情緒的最高境界是放任
似是放任的, 但仍然在自己掌握之中
不斷對抗的話, 終有一日會累, 會輸
其實我都仲係咁…
或者我應該計多個condition,
諗下對自己情緒會有乜影響, 參考下
原來心情比時間同金錢更重要
就算有時間有金錢, 心情唔好的話一樣乜都做唔到
蝕時間好, 蝕金錢好
最緊要唔好蝕心情
心情都蝕掉的話, 失去的將會更多
只要心情好, 控球勸就係你手
失球就係失球, 其實唔會影響你之後入幾多球波
即使遇上什麼逆境
都要好好保護自己的心情
好, 發完脾氣 (一日咁多啦~~)
每次都是自己鬧自己, 自己拉自己起身
其實有鬧自己的人是很難得的
如果你身邊有這樣的人, 就要好好珍惜
我知道我所講的, 好多都唔係事實
亦知道有唔合理的地方
完全就是發脾氣
好幼維呀!! 不過我鍾意咁
我唔想自己咁快變得冇感覺, 冇火
仲後生~~, 仲有爆炸力!!
彈起身就再衝啦~
衝起個人, 然後再冷靜用腦, 有方向地爆
唔可以亂衝亂用力了…
身體叫我唔好繼續發脾氣啦…
我係唔係已經出事呢…
似乎係好需要人幫先係…
不過點都好, 我唔係要人可憐!! 所以我會繼續做好自己!!
能夠控制自己點諗的話
應該可以更開心, 做更有意義的事
其實我好好彩
我大概都算係個好獨立的人
甚至乎我驚自己太過獨立
可能我唔好彩, 又或者係我唔識諗
好多時我都覺得冇人幫我, 或者叫覺得冇人會幫我
從小就知道咁係好正常, 所以知道要靠自己, 也沒什麼問題
只係我一路都覺得咁係唔長久的
遲早有日會出事, 或者突破唔到
所以我嘗試去相信人, 去對人好
可惜的是我太有問題了…
冇錯.. 係我有問題, 相信人同對人好係冇錯的
我大概都只係會識得一個人去衝
我唔識得要求人, 我只知道自己能夠做什麼
我相信一個人幾差都會有個限度
我只要比那個限度付出更多就可以了
又如果世界上的人都可以咁差, 咁得我自己付出就更是正常的了
也許一個好彩少少的人都唔會咁諗…
可能我真係太驚自己一個, 耽誤了太多時間
或者我應該認命, 唔應該將問題放大到係全世界的問題
是我個人太有問題罷
盡過力也改變不了, 只好走回屬於自己的路
冇錯, 我要走過火坑對岸, 沒人同路也是正常的
火坑又好, 屎坑都好, 想到對岸就要衝過去!!
我唔驚得我一個係火坑… 只係唔想到對岸都只得自己一個罷
也許我能力有限, 但冇人一齊行的話, 我只好拼命去開路
這是成長的機會, 只怪我唔能夠好好分配
這兩年我也真的心散了, 對眼竟然唔係望著目標
擔心自己需要玩, 需要休息似乎是多餘的
怎麼又玩自己!?
講多一次!! 開心又咁過, 唔開心又咁過, 點解唔可以唔開心咁過!?
開心定唔開心, 都只係感覺..
我唔需要做普遍會認為是開心的事, 唔需要
尤其是那俗世所謂開心的事
向那個方向諗都是可以控制的
因為不存在唯一的答案
究竟我係生理唔健康定心理唔健康呢…
似乎心理上的負荷已經到極限了..
我總覺得如果我開開心心的話係唔會咁..
個頭又好似overload 左咁..
用腦用得多會頭重重… 覺得個頭右後方熱熱地.. (覺得…)
近兩日做到下晝就會開始頭重重
其實都唔係第一次… 我諗我要用少點腦.. 諗少一點..
休息下, 放鬆下…
上次我話應該係發燒
所以今次瞓前都食兩粒藥, 希望會有幫助
亦都希望會好瞓點…
其實我覺得咁係有點濫藥.. 唔應該靠藥先瞓得好..
而且.. 都唔一定係發燒…
好唔健康… 心理係.. 生理都係…
究竟我係唔係唔識得咩都唔諗, 去輕鬆下, 開心下呢…
唔好有事….
昨天無無聊聊的在翻backup
做了件拖了很久的事, 就是挖出一個未publish 過的blog
其實只有幾篇文, 所以一直都懶得去recover
我自己都唔記得有寫過什麼 (因為仲未睇…), 是剛剛出來工作時開的blog
既然recover 了一個, 又想做多少少
就再挖出當年剛入大學時寫的homepage
細看自己寫的每篇文
覺得自己有點不同, 也發現有不少沒有變
當年雖然知道的不多, 但對自己還很有信心, 很有衝勁!!
相隔五年, 今天學多了不少, 但卻少了點衝勁
也許還未消失, 但似乎要想想怎麼找回自己的特質
再睇睇guestbook, php 都太舊了, 要fix 兩句
然後終於見到我好珍惜, 要backup 佢, 又要挖出來的reply
原來也有不少… 也許三年2x 個reply 不算多
但現在一次過睇, 就覺得不少
也許是我沒期望過自己會有人理罷…
那guestbook 上的不是寒暄的幾句, 而是有深度的交流
起碼都五年了… 唔記得原來曾經發生過
見到那些reply, 有點驚訝
原來大家關係可以這麼近,
或者是因為當年大家都住宿, 係lab, 生活在一起罷..
曾經我患難, 有唔少人理我
曾經我亂講怪論, 有人又會講講自己諗法
簡單的, 但這都是我很重視的
怎麼今天facebook 那麼方便, 就是沒有了那種感覺!?
是我們變了, 還是facebook 太開放…?
回望往昔, 溫暖的, 開心的
縱使我那時未必承認自己開心