hardchiu revolution – 未來的革命

好好睇, 真係好好睇
由見到套戲的簡介, 見到Ben Stiller, 見到預告片開始, 就覺得會好好睇

套戲唔係想講咩大道理, 唔係咩發人深省的故事
但係好好睇, 因為很真實, 很有同感

我都幾鍾意這類電影, 睇落好舒服
簡單的劇情, 細緻的描寫
每一幕都精心編排過, 音樂好, 音效好, 對白好, 畫面上的細節都好
從所有方面去俾提示你, 去反映出人物性格, 內心
很豐富, 很有感覺
根本挑剔不到什麼

我覺得很現實, 也許沒那麼嚴重, 也許情況有點不同
但Greenberg 的遭遇, 有點似曾相識
係因為我都係個怪人嘛…?

現實, 理想, 轉變, 成功, 一事無成
熟悉的詞語…

天下無不散之延席, 終有一天各行各路, 各有各的發展
但重遇的時候, 發現原來沒有行的只是自己
也許是不認同別人的路, 但總會心酸

向現實低頭了, 但一樣不會感到開心
就像迷失了方向似的
既然做不到想做的事, 那什麼都沒所謂罷

I don’t drive

就是因為沒有想去的地方

套戲有幾幕我幾鍾意
包括影著Florence 駕車的幾幕
那第二次希望有人讓自己轉線的反應令我呆了一陣子
很巨體的… 連我都眉頭皺了一下

還有那幾幕Greenberg 在party 中抽離的樣子
在party 的嘈吵聲中, 也感覺到Greenberg 內心的靜
也是熟悉的感覺

仲有係酒吧Florence 唱歌的一幕
只影著一個人, 一個沒刻意轉動的眼神
卻像有些什麼, 像望著什麼

套戲的對白都好抵死
其實本身句對白唔係好笑的,
但係講對白時的情況令到句對白變得好笑
Greenberg 還有Ivan 這個friend 真的是很幸運
一個講什麼都可以的朋友, 就算鬧翻了, 都總會重逄

其實話向現實低了頭都好
Greenberg 是仍然未放棄的, 只是身邊的人似乎都放棄了
最後話去澳洲, 係一種釋懷, 但唔代表已經放棄
人生有時計劃不到, 也許不全是自己的錯,
隨遇而安就好了

縱使車開了, 就得向前行
有時未必轉到線
但路係人揀的
就算自己唔係司機, 就算門鎖了
如果真的想行別的路, 始終都會落到車

我個blog 都好少講時事
不過今次好想講下漏油事件

其實我覺得係好大好大件事
但係似乎關注度唔太高, 或者係同嚴重程度不相稱

雖然係好遠好遠, 但可以想像到有幾大影響
生態好, 經濟好.. 總會有影響
但好奇怪, 新聞的報道, 似乎講得很少
難度真的那麼小事, 那麼事不關己?

其實件事關注度係咁都幾有趣…
不過我重點唔係想講這個現象

本來對那些本質上高危的科技發展也滿有信心的
我以為那會是安全, 有計劃, 有保障, 萬無一失的…
怎麼會是那麼輕率!?
先唔講自動的防護系統, 怎麼會連後著都沒有!?
鑽油的意外不就是漏油嗎…!?
居然出事後會是束手無策…

究竟我應唔應該相信核電廠是安全的?
甚至… 手提電話是安全的……
無錯, 我還可以憑自己去判斷那樣值得信任
但… 對新的科技發展… 就難一點了

不過又講句公道說話…
人的確很渺小… 就算Titanic 咁有計劃, 咁多重保障都係會沉
最近真係好覺得人的智慧同能力始終都有個限度 (是感覺啦.. 不是廢話..)
要無敵是不可能的
盡人事, 聽天命就是了…

人生就是不斷的作出很多很多決定
今天的你就是從前那很多很多的決定所建立起來的

決定無絕對, 往往沒有一邊是必然的好

有時我們需要天使的鼓勵

也有時要面對魔鬼的誘惑

有時天使與魔鬼會一齊使我們猶豫不決
或許是因為唔知那個才是自己
又或許是唔能夠信任其中一邊

要決定, 就要懂得捨棄
不決定就只能夠繼續徘徊
因為決定, 就是取捨
要擁抱所有的機會, 大概是不可能的
不想捨棄的話, 就要用自己的智慧去創造更多選擇
但如果智慧有限的話, 最終都要決定去捨棄什麼

其實捨棄都需要智慧的
因為要捨棄的往往已抱在手中
那是我們最清楚的事, 知道有多好, 又或者不好
對著未知的事, 的確需要智慧才能夠作出取捨

想前進, 不再徘徊, 就要作出決定
不論是天使, 還是魔鬼, 那個都是你自己
都是你自己的決定

只是當行到盡頭的時候, 我們也得捨棄從前的決定
但.. 行過就是行過, 沒什麼好後誨
所以向前行就是了!!

望一望那公仔, 就能夠向前行
(其實佢未做過魔鬼…)

唔好怕!! 唔好驚!!
做想做的事!!

電腦時代四個字, 聽在耳, 有什麼感覺?

也許今天還有人覺得很先進…
但從宏觀的角度去睇, 這個時代又會有幾長久?

所謂時代, 是指一種科技作主導, 在一個時段內不斷躍進
如果要稱為時代, 似乎資訊時代是更貼切一點

資訊的處理和傳遞上的進步
造就了各方面的躍進
在年期上計, 我們仍處於這個時代的早期
能想像我們在幾百年後仍然在用互聯網嗎?

當然互聯網只係個名
但係要想像的話, 可以想像將來去獲取資訊的方法,
一定同今日唔同

今日去運用資訊都仲係未夠舒服
或者咁講, 我們似乎被資訊牽引著, 多過似在運用資訊
其實電腦都只係部機器, 只係個介面
如果.. 我可以唔對著部電腦都仍然能夠輕易咁運用到資訊就好了

怎麼生活像是方便了, 但卻沒有豐富起來?
因為用電腦的始終是人, 是人主動去用電腦
最後作出選擇的都是人
也許電腦方便我們, 令我們做事輕易一點, 進步得快一點
但卻沒有令我們做多點事

這是電腦這個介面的不足
之後會是脫離電腦, 卻仍然能運用資訊的年代

(註: 我指的電腦只是那一部部要用keyboard 的電腦…)

其實我一路都好唔明
點解人要進步?
那沒有盡頭的嗎?
有一個位叫做夠嗎?

從小老師就教你人要進步
要好努力的進步
那是必然的, 但係就冇講過係點解

在個人層面, 也許是簡單的
學如逆水行舟, 不進則退
即係個個都進, 你唔進就係退
咁… 點解唔可以個個都唔進步呢?

也許因為有些人本身就鍾意進步
然後, 其他人就不得不跟著了

的確世界不停的變, 唔去進步, 都係退步
所謂適者生存, 唔進步, 終有一日會滅絕
所以進步的人被淘汰的話, 人早就消失了

但點先夠?
要無敵到唔怕隕石, 唔怕太陽消失?
要唔怕地動山搖, 唔怕風吹雨打?
要唔怕任何病痛, 唔怕老死?
其實這個問題比點解要進步更難答
因為冇人會答到, 這不是一個人的答案

大概到發覺無能為力的時候才會有共識罷…

其實要到真正無敵係冇可能的
所以所謂進步都只係一種適應,
能夠令生存更久的適應便是進步

不要盲從今天所謂的進步
逆水行舟都有好多條河揀
有時退幾步先去到正確的河道都唔出奇

細細個就諗, 自滿係阻著自己進步的
所以好努力咁唔俾自己自滿

或者到了有點過份的地步
有時覺得自己根本完全否定了自己
根本唔承認自己所做的任何事

覺得自己一事無成,
覺得自己廢, 覺得自己未夠
全部都係因為唔想阻著自己進步
大概這就是我背後的想法

的確, 要進步, 就要知道自己廢乜, 有乜未夠
不過唔需要全盤否定自己

所謂知己知彼, 先會百戰百勝
否定自己肯定就不是知己的行為
而且, 努力了仍然只得到否定, 那努力來做乜?

那是不開心的

一個人要懂得滿足先會開心
而原來自滿同滿足是沒有抵觸的

滿足, 是對已擁有的說好
自滿, 是對未擁有的說不好

要學識滿足, 同時能認清目標就好了
未夠, 係因為未夠去達成目標
只要清楚, 就唔會自滿

滿足地進步, 先會開心, 先會有動力

其實我也擁有不少
要進步之餘, 也要懂得運用所擁有的才會成功