歲月神偷
一個好難明白的戲名
雖然一開埸就解釋了, 可惜唔係咁代入到
其實就算代入到, 都係冇乜得著..
可以點? 報警? 又或者其實我們被偷了什麼都不知道
只係簡單的敘述三代的重要事件
也許我們身邊都經歷著同樣的事
簡單的, 不過卻很準確, 因為這就是歲月
歲月神偷, 往往留下痕跡,
偷到歲月, 卻偷不走我們的經歴, 回憶
歲月沒有了, 可是留下來的都不少
套戲有唔少口頭禪,
俾著平時我可能會覺得好造作, 似要硬講什麼道理出來
但那些口頭禪著重的是背後的經歴而不是內容
我覺得佢地要講什麼都可以!!
good fit
最緊要攪好個頂
總要信
全部都是歲月留下的痕跡
阿羅生一家四口都做得很好
起碼我唔覺得造作, 沒有那種硬懷舊的感覺
家嘈屋閉得很真實
合上眼去聽, 那環迴立體聲的嘈真是太親切了
還有就是那種無奈, 見到每個人都很無奈
的確, 我們都沒有辦法去解決, 才會嘈起來的
歲月催人, 走, 是必然的事
只係睇幾時, 同點走…
就好似嬷嬷咁, 沒有交代, 消失了卻來得自然
走是走了, 不過卻是真的存在過
由街頭街尾的兩個檔口到細佬入了DBS
都是曾經活著的見證
看著他們一家人, 覺得那年代的人很堅強, 而且還很樂天
雖然很艱難, 但就是懂得如何去堅持, 懂得如何去開心
聽到細佬唸起木蘭辭的時候, 真係喊得出
因為聽到背後的反省, 思考, 立志同行動
也許他們很明白努力不一定有成果
所以只有埋頭苦幹, 只要堅持著, 就有希望
縱使未有成果, 都可以開開心心的撐下去
其實最後幾幕係完全估到會發生什麼事
但係那一刻, 我好唔想睇到
因為就好似要話我知, 幾努力都好, 都唔一定有好結果
我知道這是現實, 但那不是放棄的藉口
最後要一提那些造型, 真係好似舊時拍落似的
原來真係攪下髮型, 攪下服裝就回到從前一樣
——————————–
要學懂那心態