有些日子總想寫篇blog 記低自己的心情, 記低發生過什麼事
生日就係其中一個會寫的日子, 就算係忙都會之後補寫
睇之前幾年的post, 原來這個生日post 一年寫得遲過一年
代表著什麼嗎? 就睇睇下年會唔會又遲一點先再想罷…
唔知點解近年在生日前都會唔係咁開心
然後生日收到祝福, 有人對自己好, 就覺得好安慰
究竟我係好高要求, 定係好易知足呢…?
其實我都好幸運, 仲有人生日對我好
平時真係太少聯絡了…
我會記得有12 個人, 3 個套餐, 十幾廿個餸, 成枱高力豆沙, 豆沙窩餅同壽包
仲會記得今年唯一的cake + 爉燭
記得好多生日快樂
…
記得仲有人對我好, 有唔止一日的生日
要努力做好自己, 積極一點, 唔好成日唔開心
[link]
2006 - 十八廿二
2007 - 生日效應?
2008 - 半半百
——————————
其實我都唔止要做好自己
在嘴角上除了可以有飯粒, 還可以見到什麼?
細心的望一望街上的人,
原來我們去睇一個人開唔開心係真係睇嘴角的
當然這不必然代表那個人的心情,
但就是直接的給人一種感覺
是向上的, 向下的, 用力的, 還是放鬆的…
也許我們以為兩個嘴角是自己控制的
但其實我們控制不到的時間更多…
很開心或不開心的時候就當然知道自己的嘴角怎麼樣
至於其他的時候原來也不自知的微微向上或向下的
望一望街上的人, 望一望他們的嘴角
發覺每個人似乎都在想著什麼
嘴角向上的, 會覺得內裏有著開心的事
嘴角向下的, 大概就是有很多煩惱了
前兩天office hour 在街上望了一下,
似乎向下的嘴角比較多
前兩天在另一個時區體驗了一下
在office hour 出去行了一趟
很久未試過在星期一至五的office hour 係街行下了
成日都覺得當自己返工的時候, 外面是不大一樣的
縱使同一個地方, 有著同一樣的商戶,
人客不同, 密度不同, 聽到的不一樣, 感覺也有分別
早一點的時候有很多嬸嬸同伯伯, 晏了一點, 就多了大堆學生
見到感覺差不多的一個人, 一對人, 一班人
這個時區, 似乎簡單一點, 大家都有著明顯的角色, 做著自然的事
其實對這個時區也不是陌生的, 因為從前也在這個時區生活過
只是遠了…. 似乎忘記了什麼
——————————
很喜歡從抽離的角度望望眾生相
就像靈魂出竅的望著自己一樣