連續落雨不知落了多少天
冇錯… 夏天除了陽光亦都有雨水…
雖然落雨, 但係都只係一陣陣
試過幾次搭車途中好大雨, 臨落車就停雨
返工時勁大雨, 臨放工又停雨…
仲要落到街的時候個地係勁乾的
都唔知點解可以乾得咁快….
我成日都覺得自己好好彩, 個天都真係對我幾好
又或者其實好多野都唔係無常既~
驚乜打波先黎落雨,
其實可以落雨先黎打波
雨後的景色確係好清新
不過我需要的是陽光
無緣無故的執拾起notebook 的資料
明明記得之前執過一次的
不過個backup 似乎整理得太好,
找不到個似樣的raw copy 了
睇返從前找來的ebook, 睇返從前的bookmark
睇返從前的文件, 睇返從前的申請表
睇返從前的project, 睇返從前所想做的
睇返從前的相, 睇返從前的影片…
我感覺到從前的那份衝勁, 那份向上的渴求
今天呢?
這兩年我的確想去補救之前所忽略的
只是本性難移… 人衰就係衰… 做乜都唔會有用
也都一早豁了出去, 受得起, 仲有乜好望?
太貪心了….
所謂天生我才必有用… 耐力要來做什麼?
只是我太貪心了… 其實我很清楚自己的路
一條鋼線想幾多人行!? 可笑…..
今年又過一半…
比上年還過得快…
一二月還好, 之後實在太頹了…
我也不能停得太久… 也應該傻完了
鋼線冇人行我都得行過去
就如左邊的圖一樣, 其實我一路都可以
本應只想去輕鬆一下, 誰知這套「低清老翻王」都幾有意思
雖然係有點不現實, 但其實套戲就正正想話你知現實之外其實還有很多
的確, 依照公式行事係容易的, 所以我們常常都困在公式之中
租帶嗎? 後來其實不是租帶了, 根本就是另一個行業
窮則變, 變則通, 在窮巷等死係冇用的
其實只要相信自己, 相信將來, 路就可以行出來
我們都貪新忘舊, 卻有時連好的都拋棄了, 忘記了
Be Kind Rewind
回頭望一望, 其實可取的還有很多, 只要懂得從公式中走出來
我們在新的得到什麼的時候, 其實也失去了很多
不回頭望, 有時我們也不知道自己原來已經失去了寶貴的
點解重拍會咁受歡迎? 你可以話係做戲…
但想當年我也試過一班人拍片
那份參與的喜悅, 那種團體的感覺卻是真實的
也許我們就是失去了這些
最後一幕放影的時候第一個鏡頭係影著觀眾的面孔,
這一幕很熟悉, 因為我也試過背著台上的表演, 望著那觀眾的笑臉
那一幕千言萬語, 難忘的
不得不讚的是那份誠意,
雖然是低成本製作, 不過花的心思比很多大片多
那些意想不到, 效果又好的諗頭不知有多少個, 明顯是花過心思的
那班圍觀的人拍掌的原因也大概是因為那份誠意, 那份心思罷
很有誠意的電影, 睇多次都得