我們憑什麼知道自己做過什麼?
我們講說話然後聽到聲音, 就知道自己講過說話
我們移動四肢然後觸感改變, 就知道自己移動過身體
在這個基本的環節上, 其實人都是期待回報的
說清楚其實或者不是回報, 而只是反饋
回報已經關係到價值的問題
至於反饋, 只是對自我行動肯定的最低條件
如果我的行動連反饋都沒有, 那我如何知道自己行動過?
如果我不肯定自己行動過, 那我如何知道自己在做什麼?
如果我不知道自己在做什麼, 那我又為何會作出這些行動?
究竟一個四肢健全但完全沒有五感的人會行動嗎?
返回價值的層面
在沒有回報的情況下, 可以堅持得幾耐?
要堅持就得找到堅持的價值, 縱使價值未曾實現出來
越難堅持的地方, 越少人踏足過
我相信有終一日會見到未見過的景色
忽然在想個世界的運作可以其實係根據人的諗法
留意我並唔係講唯心說
先有牛頓定律, 而後有根據牛頓定律所衍生的運作
先有相對論 而後有相對論所衍生的運作
唔係講一個人點諗, 之後個世界會變成點
唔係講個世界係本身咁, 之後發現及適應世界的運作模式
而係講當一堆人相信係點, 之後個世界的運作就會變成點
即係話如果我地可以令全世界人相信人係識飛的話
咁人就真係會識飛
又係道發白日夢…
不過其實真係可以係咁, 只要你相信…
突然去睇的一套戲, 不過唔突然的話其實都應該會睇
一套題材有趣的電影, 氣氛奇奇怪怪的, 感覺很特別
簡簡單單的講一件事, 一個道理
我也頗喜歡這種清新的表達方法
一開始就送你一個完全不明白, 不過知道之後會有解釋的
成套戲其實都幾在女性的觀點出發
我諗男同女睇套戲可能個感覺上會有點分別
雖然所講的有點荒謬, 亦不合情理, 但就帶來一點幻想的空間
究竟如果事情真的這樣荒謬的話, 個世界會點, 我又會點? 又應該點?
會唔會我真係個懵然不知的傻仔?
當事情荒謬到一個程度, 就冇人會相信, 但唔代表唔存在
的確荒謬的事很難令人相信, 我亦知道冇人相信的時候係有幾慘
所以就算係荒謬都好, 只要同我講多幾次, 我都會相信的
最唔明白的地方係詹建業都竟然把持不著
不過唔咁樣的話, 同套戲所講的就會接唔上
因為戲入面女人係認為世界上所有男人都係咁…
上上個星期六去完遊船河… 到依兩日先甩皮…
基本上我都算幾曬得, 由細到大都冇乜甩過皮
又因為咁… 由細到大都唔興用太陽油
有時諗… 咁樣可能好易生cancer…
仲記得第一次甩皮係好痛, 好痕的
但今次完全冇野喎~…..
死… 我係咪真係變到冇晒感覺呢!?
唔知點解會隔咁耐先甩皮…
又唔痕, 又唔痛… haha.. 傻傻地咁覺得換下皮都幾好喎~…
其實日日都換架啦… 果d 叫新陳代謝呀嘛…..
上個星期太多野煩… 都冇講過遊船河…
滑水同香蕉船真係勁好玩!!!
遇害日期: 九月九日
遇害時間: 五點至七點左右
遇害地點: 亞皆老街足球場
損失總值: 最少> 5k
損失物件:
* 6110 Navigator 一部 (機齡一星期)
* NDSL 一部 (機齡三星期左右, 淨係一個人玩過Mario Kart, 內附150cc 6 個三星)
* iPAQ rx3417 (機齡三年, 冇乜點用過)
* 手錶一隻 (感情十年)
* 眼睛一對 眼鏡一副 (睇戲專用眼鏡)
* 128M USB 手指一隻 (贈品, 無重要data)
* Notebook 一本 (內附畢生事業草圖一份, 不過已經係腦入面)
* 筆一支 (特別事件紀念筆一支, 屋企仲有)
* CS Contact List 一本 (屋企仲有)
* CS Ocamp 腰包一個 (屋企好似仲有)
事發情形: 踢波後發現袋打開及位置改變, 發現袋中袋失去縱影, 銀包卻安然無恙
事後行動: 兩個受害者在一班兄弟陪同下於食飯後到警局報失
成因: 一星期前講過自己好耐冇遺失物件
結論: 賤命一條, 我唔適合買貴重物件, 個天叫我專心d 做想做的事
感想:
覺得自己好恐怖, 竟然冇乜感覺
唔係話覺得唔傷, 只係開唔開心都係咁
只係覺得個世界仲有賊, 我又做唔到乜去改變
不過聽完警察大哥話: 「放心啦~ 依d 人有天收架啦~」
之後覺得幾開心, 唔係話等個天收佢, 而係見到份正義感
第一次去警局, 覺得香港警察確係幾專業
特別嗚謝:
一班有義氣的兄弟, 發現出事後直到報完失一個都冇走過
特此致歉:
對唔住呀~… 我冇好好咁保護你地
估唔到你要咁樣死… 希望唔好太慘啦…
一套期待了一陣子的電影
Bruce Almighty 已經算幾好睇, 而Evan Almighty 係好睇好多
這是一套很豐富的電影, 引起我很多同感
Why choose me?
點解揀中我? 點解得我一個要這樣做?
點解冇人信我? 點解冇人幫我? 點解得我一個人去承擔?
What makes you think God chose you?
He chose all of us
很多時我們都以為得自己一個經歷所發生的事
可是其實我們都不是一個人的
全世界這麼多人, 只得你一個經歷過所發生的事有可能嗎?
只要不太自大, 只要放開心情去接受, 去觀察, 去體會, 就會見到好多人
Is it too much to ask for a little precipitation?
無可否認這是困難的, 有時需要人支持, 我非常明白
可是無人支持的時候又可以怎樣?
開始懷疑自己, 開始想放棄
不過我也明白Change the world 是需要堅持的
記著自己想做的是什麼, 記著自己為什麼想這樣做
冇人支持係正常的, 因為世界不是這樣, 所以先要Change the world
Many people wish to change the world, but they just don’t know how to start
我也有想做的事, 可是我也不知怎樣去開始
要Change the world, 有時結果不是即時見到的
其實每一件小事, 每一個決定都是在Change the world
How do we change the world?
One single act of random kindness at a time
人類飼養狗隻, 從此成為好朋友, 這是怎樣開始的?
其實係要Change the world 難還是Change the world as you think 難?
很多事是自然發生的, 你想著這樣為之好, 但世事無絕對
世界不可能跟著你走, 你可以嘗試去改變, 不過你所做的自然會被世界所選擇
That’s my original design
一個人所想的可以去到怎樣的地步?
我們懂得去設計, 創造
可是相比起這個大自然… 還有很多可以學習的地方
Ark Building for Dummies
如果… 我想做的事也有本書去教我做就好了……..
It’s about couples walking side by side in unity
如果… 真的可以walking side by side… 就更好了…..
電影的主角幾慘都好, 往往都已經是好彩的一個
Let me ask you something.
If someone prays for patience, you think God gives them patience? Or does he give them the opportunity to be patient?
If he prayed for courage, does God give him courage, or does he give him opportunities to be courageous?
If someone prayed for the family to be closer, do you think God zaps them with warm fuzzy feelings, or does he give them opportunities to love each other?
我唔知道我會唔會有機會
我只知道, 我要相信自己的決定