壞了幾日機, 花了成千銀整返好
買左1G Ram 同隻牛再加張debug card
部機係條Ram 壞
隻牛係黑色星期五應節整壞的
見到有粒制唔知乜來, 好奇之下手多多拍落去… 見到有個字…
110V !? 大獲!!!!!!!!
我好似唔係第一次咁做….
debug card 係今次覺得插來插去試乜壞太浪費時間而買的
希望下次用得著啦!!
有人有需要的話可以問我借, 不過可能幾十皮買一張仲方便
雖然知道維修係必然的, 但都係有點不爽
話晒都成千銀, 用左好似冇乜實在的得著,
唔實在的都有既~ 算罷
識得去維修部機… 又唔識得去維修下自己…
唔通我對自己仲差過對部機!?
終於有一個停下來的時候
爭取時間整理思緒, 令自己心力回復, 精神力回復
睇了加旋 53~135 集 (即係無記冇播的那些)
睇了尋找快樂的故事
踢了兩日波, 見一見大家
加旋真係勁好睇… 完全係勁有同感, 完全係勁感動…
好多集都真係睇到幾乎想喊…
真係當食藥咁食… 感覺好了很多
至於尋找快樂的故事, 睇完係覺得似乎我已經很清楚什麼是快樂
但… 人一定要快樂嗎? 我又快樂嗎?
已經回復了很多!!
可惜的是假期被打斷, 第二日竟然要做野!?!?
本來應該可以很快做完, 但是人在心不在完全係勁燥, 做野勁慢
這種心情, 畢業以來試過三次… 是非常灰的感覺
結果唔可以完全回復到五日假可以帶來的程度
不過應該已經夠用
不停的不停的想, 自己已經不是向著夢想進發
開始返回現實, 其實我沒能力做到嗎?
從前重重的, 因為所做的不是為著自己
冇錯, 這樣確係好多炭用… 但多得壓到自己了
倒下了的人還可以做到什麼?
在這個脫軌的時候, 應該要放下包袱了
要承認自己是一個自私的人
雖然所做的可能是以人為先, 但都是自己的決定
都是想做到自己所想的結果而作出的決定
這些決定可能是揀了難行的路, 但不代表什麼
可以代表的, 只是你蠢
也不得不承認…
我是一個蠢人
輕裝上路
最近都真係睇了不少戲, 不過上三套都唔係自己揀的
終於揀返套自己睇了
突然醒起, 原來已經慣左睇戲唔會再問人先…
不過我想睇的戲似乎唔係咁多人鍾意睇, 都係慳返
一個尋找快樂的故事, 點可以唔睇? 尤其係我這樣的人
但可惜的是睇完之後覺得有點不太到肉
什麼尋找快樂的故事!? 根本就是一個尋找發達的故事
可能誇張了一點, 但最少我所認知的快樂不是這樣的 (或者係我太幸福了…)
不過話說回來, 快樂的來源可是自己選擇的
或者這套 The Pursuit of Happyness, 重點其實在於Pursuit
所以係Happyness… 而唔係Happiness
(大概將戲名改成這樣不可能只係為了呼應戲入面微不足道的一部份罷…)
You got a dream, you gotta protect it.
You want something? Go get it.
想快樂嘛? 坐著什麼也不做的話你是永遠得不到的!!
知道什麼對自己來講是快樂的事就用力去做, 用心去做
因為這是你快樂的來源, 一日不做, 你一日都不快樂
It‘s a part of my life, just a little part, it’s called happiness.
有誰不想快樂? 但的確只是一部份
還有很多付出, 追求, 放棄, 改變…. 為著成就這一小部份
正因為難得, 所以要追求
正因為難得, 所以想擁有
試過開心但不快樂嘛? 或者, 心情是控制得到的
試過笑但不開心嘛? 或者, 肌肉也是控制得到的
不過其實人…. 一定要快樂嗎?
起碼我不是放在第一位
我…. 快樂嘛?
近來思想極之混亂, 情緒有點低落…
冷靜少了一點, 控制力少了一點
好勝心又再萌芽, 殺性又起
做了不少錯事, 傷了不少人, 也損害了自己
就好似當年中學咁…
其實… 我很乞人憎嗎?
鬧下我啦~…
如果一個人冇人鬧… 你話點解?
我都想知… 因為我都冇乜人鬧的…