hardchiu revolution - 未來的革命

上次係行山日
今次完了Milestone, 竟然去左… 爬山!?!?

其實只是去了長洲
上次去已經是十幾年前的事了
仲記得係同一班十幾年冇見亦應該唔會再見的朋友去的…
十幾年, 除左落船的地方之外, 好似都變化不大
只是上次去好似冇留意到原來係咁多海鮮的……

第二次入張保仔洞, 竟然仲有d 記憶

上次入去之後所想的是… 下!? 冇啦!?
今次入去之後所想的是… 似乎比從前有計劃了

出到去之後有個喪友去左洞口下面的大粒石灘玩
同我鬥癲!? 我實奉陪架喎~
雖然有時知道有d 野可能做左會後悔
但有人要癲的話… 我唔會掉低任何人自己去冒險的

在大粒石之間跳來跳去也十分正常, 我都好有興趣咁做
到了要插半隻腳落水底一粒石跟手扒係對岸的石上面爬行… 就…..

其實上次去果時好似已經有d 留意果個位
因為睇落好似好神奇地有個石油器罐撐起一粒巨型石咁
經過的時候大家都唔敢同佢借力
雖然知道應該唔係撐著, 同埋係的話都唔會夠力扯佢出黎
但係唔怕一萬至怕萬一, 一陣真係郁得到佢…
死狀就會好似俾人跩死的螞蟻一樣, 內臟爛晒出晒來, 仲要死得好痛
hahahaha

前排因為太囂張的關係, 竟然想病來睇下
想知自己究竟可以撐到去咩地步

可能因為尋日食得太多… 或者有人整d 野唔乾淨…
今日得嘗所願…

不過戰鬥力完全唔高囉
同我打仗!?!? 練勁d 先返來啦~~

聽日要去玩!!!
今晚要做晒d 野!!!

尋晚成晚都好口渴
我都唔想架喎… 結果自己解決左…
可惜的是… 只係解左渴…

——————–
諗諗下好似太囂張…
大家對我好je…

又來一個逆思考…

究竟係因為我習慣唔依賴眼去睇野, 所以視力開始衰退
還是因為我視力唔好, 所以學懂了唔依賴眼去睇野?

視力唔好, 看得到的反而更多
戴了眼鏡, 有時反而覺得陌生

又或者係我習慣了睇唔到野
以為自己看到很多… 但其實只是冰山一角

我仲未可以盲…

巴別塔, 就是這個名字已經夠我去睇了

的確… 很多位俾你去想像, 很多位俾你去思考

真的很多很多, 所以略略講下劇情方面先
成個故事拼合四個地方, 四個時段, 四個情節
時空交錯, 又互相關連
故事沒特意地故弄玄虛, 睇的時候大概知道關連, 只是在慢慢等事件拼合起來
感覺是特別的, 交錯的故事成功令人更加投入

………………
(Something need not to say)

透過四個故事, 感受到的還真多
好勝, 正義, 迷惘, 恐懼, 內疚, 悲痛, 憐憫, 冷靜, 混亂, 關懷, 後悔, 新奇, 愕然……

………………………..

不同的文化, 不同的背景, 不同的習俗,
不同的人, 不同的語言, 不同的膚色

隔絕了!!
怎麼溝通?

………………………..

溝通最大的障礙在於心
同聲同氣的, 在特殊的情況也不全然是同伴
語言不通的, 有時亦能夠無言地給予按撫

唔知幾時開始走去留意埋d Symbolism…
其實唔太鍾意咁睇戲… 不過可能佢做得好.. 好難睇唔到
小朋友, 食物, 動物, 音樂, 聾啞, 身體
各象徵著什麼… 依d 野各有各感受, 也不講了

人, 因為天生的不同而分離
人, 也因為天生的相同而一起
本是同根生, 只要用心去感受, 才不會被蒙閉

怎麼我們因為一件武器才連在一起?
怎麼一件武器成為了我們的溝通工具?

9:30 PALACE APM - Babel

已完成: 是[v] 否[ ]

———————
咁岩講開戲… 但係唔會係道寫的…
致各電影同好: http://blog.360.yahoo.com/hardchiu