hardchiu revolution - 未來的革命

回到家中開餐了…

好過癮呀~ 好興奮呀~~
但係… 我唔知同邊個講呀…..

唔理啦…!!
好有戰意呀!!! 要贏!!!

眼痛成日…
要做野
要好返
要休息

得閒要帶你去放鬆下…

雖然我能夠對人附出的可以很多很多
但往往不敢對人好，回想一下… 好像自細就是這樣子了…

我明白獨食難肥… 亦很願意與人分享…
但就是開不了口與人分享、對人好一點…

我也不明白是什麼心理…
或許心底裏其實是在驚什麼…
怕醜嘛? 對人好是什麼醜事!?!? 我想不是罷…
或許又是太在意別人的想法了…

無事獻殷勤，非奸即盜…. 或許我不想別人這麼想
又或許.. 有時是驚別人覺得這麼做很假很做作….

我也算尊敬父母… 但.. 總是不懂得對他們好一點…
有時覺得有d 事很做作… 硬來冇意思… 做不出手…

我對朋友也算是義不容辭… 但.. 總是不懂主動去分享…
就連讓人知道自己很在意別人的近況也不想.. 或許驚嚇親人…

不過其實說穿了只是我不懂別人怎麼想才會驚罷…
所以其實好多時，你對我好… 我就會對你好好好…
唔… 需要改嗎? 怎也好… 這是一個問題…

阿媽唔知邊道搵左兩張Da Vinci Code 既禮卷返來…
結果我依個不孝子就少有地同阿媽去睇左套戲了…
————
冇睇過本書，追劇情方面有點辛苦，不過都緊緊追得到
整體來講，套戲幾好睇，幾緊湊，幾細緻

或者就係因為未睇過書，所以覺得套戲去得好快，不過快得來都有緊湊的感覺
雖然係將好多書入面既野塞係兩個幾鐘入面，係有d 走馬看花，
但係對一個為左唔睇書都想知下本書講咩既人來講，絕對滿足到我

雖然未必係每個code 左既位都有晒，但係已經感覺到果本係一本點樣既書
本身對耶教都冇乜深入研究，亦只係持觀望態度，所以對套戲、本書講的都一樣只會持觀望態度
就係咁原因…. Da Vinci Code 都只係一本有宗教色彩的偵探小說罷~

覺得套戲細緻係因為佢照顧到好多細位
有好多位唔係淨係鏡頭焦點的角色做戲，焦點背後的都有交戲，留意下就會見到
仲有係連戲方面都做得幾好，Sophie 俾人用刀降住之後真係會結焦….. 好野!!

有d 位其實都幾靚，幾有意境，
好似有一幕古今交錯既場面，由一座教堂串連… 忽然感覺到乜叫古蹟，乜叫屹立不倒
而每一個Da Vinci Code 都體現到古人今人藉著智慧互相交流，有一種神交古人既感覺
依d 唔係話有劇情就做到個感覺出來的… 好野!!

雖然有d 地方係唔係好合理架啦~，不過可能係太短時間交代唔晒啦~
都唔緊要既~… 講故唔好搏故嘛~…

不過其實套戲又真係冇乜中心…
最多… 只係講

有d 野其實唔係必然，知道真實亦未必係好事，唯有跟自己所信的行事就好了

活在當下…
仲有製造左個取捨既場合

真實與安穩
犧牲少數還是大眾困苦

不只是宗教上的問題，平時遇到這般的取捨會怎麼選擇?
…. 答你一個癈話…. 睇情況啦~~!!

係唔同認知，唔同境界之下，個世界真係唔同的… 你看得到嗎?

唔得… 感覺唔太好….
xanga 太屈機… 出埋d 咁既feature…

做乜要俾我知呢~
感覺就好似expose 自己出去咁

要繞過firewall 見到部server，
一係經backdoor，一係開條tunnel 我話你知….

咁樣週街派public key…. 唔岩我…
人多了… firewall 自然升security level
仲見唔見到server…!? 我都唔知…

依道真係唔係好岩使… 或者只係我問題…