每個人的身邊都總會存在著不同意見的人
不同是好事，透過討論我們可以進步，因為討論令我們見的更多
注意!! 是討論而不是辯論
從前以為只要有技巧，對手怎樣也可造就一場討論出來，
只要有耐心，只要心平氣和，只要道出問題所在，只要將偏離的辯詞抽離
無錯… 一般情況下是很受用
可是原來有人要不服你就是不服你，再講只會越描越黑
怎麼有理說不清? 因為在別人的心目中有你不知道的隱含前提，你的推論炒了
這情況只好以事實證明一切，講多無謂
我也少有地曾經對某些人非常不滿，基本上佢做乜都唔順眼
但係分得清楚，也沒作什麼
再觀察一排，不再這麼想，睇法改變了
有時改變的或許不是別人，可能是自己
也管不了誰改誰不改，最後無事就好了，忘記了會更自然
從前認為要留下每一點力去衝，結果想著的太多
換來卻是一事無成
先安定一切，才有餘力去衝
其實已經安定了許多，只爭一點點
想著的壓不住仍然會想
要安定下來… 或許真的要事事坐言起行，完成了便不會再想
已經一陣子沒收到消息…
再聽到少少… 又有點不快…
救得了嗎?
曾經出過很多力，想過很多方法，但似乎沒有喜色…
還想做什麼嗎? 今天講句說話也沒人聽了… 做什麼?
更心痛的是… 旁觀者多多聲氣卻只在旁觀…
明白大家的共同目標，事情便會很清楚，任何人都可以付出，積極點吧!!
還是…. 這是我種下的禍?
種子發了芽… 也快死了… 會豐收嗎?
話說兩點幾打完篇野訓覺
唔知係心理問題定生理問題
有d 心有戚戚焉定唔知係驚定係怯既感覺
總之感覺到個心有d 野
今天想一想，好像是細個的時候有時都會咁
果時唔知邊道來的語言，叫依種感覺為之心震
果時細個唔識check.. 今次自己check 一check 心跳
勁驚… 幾下快，停一停，再一兩下大大力…..
再數一數一分鐘跳幾多次… 發覺得62 下左右…
感覺到個心好似好弱… keep 住到訓著都係咁…
往時個心痛都冇咁驚… 或者因為慣了，知道冇即時危險
今次真係驚… 驚訓左醒唔返
唯有同自己講… 我仲有好多野未做！！ 冇事既！
第二朝醒來… 發覺仲係咁
都唔知係咪痴左線… 仲走出去同人踢波
跑兩跑就知乜事… 一跑就冇力… ok，唔博命的，之後一路守龍
希望只係大驚小怪….
話左帶你地去放鬆下.. 總會去既…
要望遠野去邊好呢?
諗左兩諗，企得高望得遠，大熱天時又唔想行?
搭纜車上山頂!!
想放鬆對眼之餘，其實亦想放鬆下心情，同埋睇下d 大廈名
每次係高處宏觀而望都會好清醒，好舒服，知道自己應該做d 乜
上到去，對住個景怒啤左兩粒鐘左右
感覺都係一般，不過總好過係屋企對住個mon….
清醒確係清醒了一點，不過上去前上去後心境差不多
或許是因為之前調整過一次，其實已經很明確
這次上一上山只是從感受再去肯定多一點
望住堆大廈同望住堆山係唔同感受的
望住堆大廈令人從抽離中亦想起一點點生活
望住堆大廈，我見到什麼是香港，見到大家在做什麼
山頂的確好多遊客，講乜話的都有，攪到好似係我去左旅行咁…!?!?
其實都幾得意，調一調整心境，當自己去緊旅行，
就會發覺有d 乜係為左遊客而做，感受到對遊客既照顧
有時見到d 人，係咪真係咁好玩呀~!?!?
haha 旅遊都係講心境，俾左錢會主動去玩得開心d…
遊客多，多到分不到那個不是遊客了
有一對亞洲人情侶唔記得用乜方法叫我幫手影相
死勒… 321講乜話好呢? 唔出聲影算… (後來發覺佢地講廣東話的)
其實語言並唔係溝通既障礙，要溝通的，唔理怎麼言語不通都會溝通到
要溝通唔到就算大家都識講同一語言都可以乜都交流唔到
同一個論調其實亦可以apply 落時間、地點
前一排想搵衝擊，又見好似好多人去旅行，同事又問有冇planning
其實都諗過去一條友去旅行感受下文化既差異
不過… 心放開不了… 去乜旅行?
被故事摘要吸引了，當有得選擇去放棄能力的時候，會怎樣?
變種人一方面有著異能，有其好處，亦帶來痛苦
從前不能回頭，便要去適應、去接受、去順應天命
到有得選擇了，放棄得了嗎? 有需要放棄嗎? 應該放棄嗎?
其實不只是變種人才會有能力上的不同
X-Men 這個提材實在太好，將能力不同所帶來的矛盾、衝突浮現了出來，看的很清楚
X 教授名正言順的同你講能力要怎麼運用
雖然是超能力片的老生常談，但每每能給我深刻的感受
Don’t let the power control you
控制不了力量是很痛苦的，是孤獨的，是迷茫的
的確，有時不想再受，寧可放棄力量
但好像沒得選擇…
有時想著雖然不好受，但總算適應了，放棄或許反而更難適應
有時想這是難得的，應該將其善用，放棄好像是浪費
未適應的人會想放棄，因為要承擔的後果太多
擔得太久的人會想放棄，累了，但始終會回來，
因為擔得久其實是無數次的放低，無數次的再擔起
適應了，是怎麼適應? 是妄顧後果，還是承擔責任所以適應?
有力量，還得看你怎麼用
是為了大眾，造福人群
還是為了自己，滿足一己私慾?
能力有差異，相處存在著不同程度的問題
怎看待不同的人? 怎樣定義為同類? 不同能力的人怎麼共存?
其實很簡單，只要忘記差別，顧及他人就可以了
慾有限的話，和平應該就是所有人私慾的Union，理性的話大家都會顧他人
但慾無限，要和平的話就唯有靠自己控制慾望
控制不了好嗎? Don’t let the power control you