hardchiu revolution – 未來的革命

從前問點解要生存，今次激少少問點解唔死左去
點解咁問呢~?

為慾望生存嗎?
為進步生存嗎?
為生存生存嗎?
…
..
.

冇一定冇唯一的答案，
無錯，人本身生存著便對世界有影響，但這就代表了有責任生存嗎?
責任是什麼? 什麼是對，什麼是錯?
依個世界冇賊會有警察嗎?
這個世界就是不唯一才精彩，才有更多的可能性
其實你做乜都得

那麼點解唔死左佢?
真的… 冇話唔可以… 生存好多時係因為有野想做，有事未了
好好好… 咁了無牽掛呢?
可以~ 但一定要有事未了才值得生存嗎?
唔知為乜生存唔得咩? 得~
咁唔想生存又唔得咩? 得~
點解唔想生存呀? 冇野值得留戀囉
一定要有野留戀先可以生存咩? 唔係~
有野留戀就一定要生存咩? 都唔係~
…
..
.

其實即係咩呢~?
生存係要用力的，但係當可以唔用力而又冇目的咁要出力既時候就覺得唔值
到依道都只係話值唔值得既問題，但值唔值得只在乎你點諗

個世界咁美好，點可以死?
個世界咁腐敗，點可以死?
好多朋友親人，點可以死?
未有朋友情人，點可以死?
好多野未試過，點可以死?

冇錯冇錯.. 點諗都得
咁點解要令自己覺得值得生存呀? 呀… 其實都唔一定要既~
如果真係想試下死呢? 得~ 你咪去死囉~
(大獲啦… 勸唔掂… 死左件…)

點解會想勸?
因為覺得每個人生存都有意義嗎?
真的每個人生存都有意義嗎?
因為生存很難得嗎?
現今社會生存真的很難得嗎?
對某些人來說唔珍惜生存係咪好唔公平?
對某些人來說冇得選擇去死係咪都好唔公平?
咩叫公平?

咁唔通勸人唔好死係好自私?
唔理其他人點都要去死唔通又唔自私?
咩叫自私?

其實大家都係從自己觀點出發
咁就叫自私? 可以從別人的觀點出發嗎? 那還不是自己心目中別人的觀點
只是自己心目中的想法就不嘗試從別人的觀點想嗎?

也是… 無甚不可…
(這個程度似乎不夠.. 再升級….)

好，無甚不可，咁就講講點解唔死左佢

唔死就要俾身體束縛著，日日要食飯，唔食唔得? 點解唔死?
整個自然環境入面，人係寄生蟲，乜野協天地以運轉只係空想，做到嗎? 點解唔死?
七情六慾只係感覺，點解要俾感覺控制? 點解唔死?
點解要進步? 不是已經行得太快嗎? 那還要做什麼? 點解唔死?
生存便佔用世界資源，既然可以看破死，點解唔死?

————-
似乎完了，其實真的想不到點解要死左佢，都是硬來的列了幾個出來

從這個問題帶出了我「為人而生」這根深柢固的想法
上面嘗試炒起佢… 當然… 不成功…
(人是別人的人，也許不只是指人)

「為人而生」是自己的想法，以為是好? 或許是壞，或許是自私
但有誰「能」不自私? 不能並不代表不應嘗試，明知不可能而為之，亦無甚不可

人生存有責任嗎? 既然「無甚不可」，做的亦未必是好事，怎麼要揀個難行的呢~?
只是因為覺得值得，「自私地」覺得是好事，而深信這並不只是自私
深信就算不能完全知別人怎麼想，但只要有機會估中別人怎麼想就值得去做
深信如果這真的是好但沒人去堅持，那就真的不可能變好
雖然在經過兩重有變數的推論才去到這想法，但… 只要有機會仍是覺得值得的

還有… 非常主觀的想法
一路都知「為人而生」可能是一廂情願，可能是做不到…
但主觀的想，就算做不到… 也要做個「好人」…
起碼對世界不是負數，起碼要世界上有最少一個會死蠢地堅持做「好人」的人
(當然我亦不可能知有沒有，所以才要堅持)

最後是重點，為什麼世界要進步? 為什麼世界要變好?
好、進步是主觀的，有些人心目中的壞可能是別人心目中的好
有些人心目中的進步卻可能是別人心目中的退步
壞、退步也是主觀，但同樣都是每個人根據自己好、進步的定義之下不想發生的事
或者… 我們不是想發生什麼，只是大家都各自不想發生什麼
也許… 兩者根本一樣
在能力範圍之下阻止不想發生的事發生或許是本能 (不想這麼想也不能…)

可以選擇的就是自己認為什麼是好、什麼是進步
只是… 我選擇了「為人而生」
或許就是因為深深明白什麼是無甚不可，所以才能這麼愚昧的堅持。