終於都睇左霍元甲….
一路都幾想睇，全因為trailer 的一句「中國武德，從此征服人心」
就想去讓中國武德征服我的人心….
看畢… 覺得太白了… 明係完全明… 但沒有深切的領會…
太白了… 對白太白…. 所有道理都係用口講出來…
看罷沒經過思考… 自然唔會深刻
尊重你同怕你係兩回事
大自然本無分高低，
高低只是人的觀點 最大的敵人是自己
太白了… 舖排也太白了..
插秧鬥快
集體以清風驅走身心疲累 - 其實依幕幾好笑，睇到亦都感覺到舒服
還有一幕唔知係咪我諗得太多…
乞兒的讚賞 - 想講別人也怕了狂妄的人，只有什麼也沒有的乞兒才不怕，
但乞兒太突兀了…
動作嘛?
其實都幾好睇，有美感的，不過有d 位用左d 快慢境攪到好假…
重點對白:大自然本無分高低，高低只是人的觀點 講出了
武德的重點所在
後記:
原來cut 了中間一段迷縱拳的領悟。似乎果段對講武德非常重要呢~…
狗年岩岩開始…
前後聽到有幾個人過左身…
第一個是不太認識的親戚…. 自己感覺不大
第二個是朋友的母親… 知道後… 覺得有點驚… 有點空虛的感覺
因為太近了… 從前都覺得很遠… 覺得不會這麼快….
但… 這麼一聽了…. 只有驚…
要做什麼去珍惜嘛…? 不懂，亦不知應該怎樣做…
難道真的要用沉重的代價才會學懂….? 還是… 只是我太冷血… 太忍心呢?
第三個… 其實是和我更沒關係的人….
但… 只覺得… 太多了……
提醒了我唔係必然係點樣… 每日都估唔到又係點樣….
其實這也不是頭幾次聽… 但是每次都有點領悟…. 不過… 行…. 又行了幾多…..
第一次感受到果種空虛… 或者… 是因為從前見到的都是笑喪罷…..
踏完單車，出到九龍塘六點幾… 本身諗住趕去睇藝伎回憶錄的…
點知趕唔到… 下一場要九點…. 好!! 唔認輸!! 走落地鐵站上網搵仲有邊道岩時間
結果走左去尖沙咀… 行左成條麼地道都唔見間華懋戲院…. 又睇唔到… 好!! 食個飯先!!
去左大皇拉麵小籠包食拉麵，一般啦~… 不過要讚下佢
我諗佢見我一丁友，又見我淨係叫個麵，已經醒水話「一個麵，俾杯水」… 唔sale 了…
其實星期四已經去銅鑼灣諗住睇… 點知… 爆晒場…
唔睇唔得!! (因為覺得會有得著…)
所以又去返九龍塘睇九點場了!! 你話係咪玩野…. 最後得頭兩行… 好彩都幾舒服~
講返套戲… 確係幾好睇!! 起碼有d 野俾我諗下….
成套戲由頭到尾我係咁講幾樣野… 唔明.. 點解要咁.. 好驚.. 好慘
唔明… 係唔明d 決定… 唔明點解千代點會見社長一次就咁大轉變…
唔明… 唔明點解要作賤自己…. 將自己變成物品…
唔明… 唔明點解可以有咁的學校…
唔明… 唔明點解以藝術的形式存在，卻又要包括娛眾的技巧
唔明… 唔明點解又話賣藝不賣身… 但又賣「初夜」….
好驚… 好驚一個人會因為賣「初夜」破紀錄而自豪…
好驚… 好驚其實好多以為真既野… 其實都可以訓練出黎…
好驚… 好驚有好多野其實內裏係好有居心…
仲有.. 不過已經唔係好記得…
理性上… 睇d 對白唔會解唔通…
做藝伎係因為冇得選擇
藝伎係一件活生生的藝術品
藝伎吸引之處在於神秘
但係感受唔到… 所以都係叫唔明…
haha 或者講到尾… 或者其實我唔明女仔係點罷….
其實一路睇都覺得好慘… 但… 慘極都不關我事啦….
所以我諗女仔睇的話更覺得慘罷…
的確… 今日世界文明左好多… 今日既女仔亦都幸福左好多…
但有得亦有失… 角色就是變了……
全戲的引子: 水滴可以滴穿石頭，遇到障礙會另闢新路
水，代表陰性的力量… 雖不著跡… 但影響力卻很大…
看畢… 完全感受到… 好!!
後記:
返到屋企勁累… 一灘上床就訓著了….
寫之前再查一查字，原來藝妓先係正字，妓古時係兩解，一係解女性的藝術工作者，另一個同現代的用法一樣
同中同踏單車… 感覺係唔同的…
同中同踏的話係死衝爛衝，好似鬥車咁…….
帶先嘛? 唔使擔心後面的!! 因為大家都知大家跟得到!!
雖然口頭冇講過話要鬥快… 不過帶頭的人總是沾沾自喜…
後頭的也不甘墮後… 拼了雙腿也要追到大家!!
真的… 腳痛嘛? 抽筋嘛? 唔停得!!! 因為前面既人唔會停，亦唔想前面的人停黎等自己
你停就冇可能再跟上去，只有之後更辛苦!!
的確，去程仲未tune 好各樣野… 係後面係勁辛苦…
墮後少少… 均速嘛? 就只有保持距離… 就是要怒衝一段罷!! 可知均速舒服好多….
其實停低休息都有的，但後面的遲來到就休息少點… 未回復又行了… 係蝕好多好多…
遲起步係蝕仲多仲多… 所以其實都唔係等你…
回程了!! 知道後面勁辛苦… 死都帶頭…
結果帶頭真係輕鬆好多…… 休息又多d… 又可以均速…..
中間有段都係遲左起步…. 又係勁難追… 仲要冇力…
不過不斷食人氣流… 又真係追到上第二… 因為冇力.. 要繼續食帶頭果個氣流…
原來真係慳力好多… 冇力果時對住d 風係勁慢…
點解寫咁多呢… 因為係一個現實的縮影….
「要追的話」企在後面是非常辛苦的，在最前端卻是有優勢很多
當然… 其實唔追的話… 根本唔會辛苦… 仲會見到其他野…
只是兩個角度罷… 今天我是講「要追的話」那邊
另外，我地係去到大尾篤水霸盡頭回程的… 因為上山的路鎖了…
但入面有d 人d 車出唔到黎，結果大家就幫手入面d 人搬返d 車出黎了!!
佢地都真係俾好多「大學生」有品好多….
haha 雖然事後大家講笑話十蚊搬一架，有籃加五十…….